Jama'ah Haji Acèh | Sya'ir : Cek Medya Hus

Judul - Jama'ah Haji Acèh
Syair/Vocal - Cek Medya Hus
Audio - Alam Studio
Teks - Ayah Mon Mata
Gambar - Ayamon/Google
Copyright ©® 2025
Produksi - MD Channel

Syair ini tentang jama'ah Haji Acèh
yang semuanya sudah menyelesaikan ibadah haji di tanah suci Makkah, dan sekarang mereka sudah tiba saatnya untuk pulang ke Acèh, semoga semua mereka menjadi Haji Yang Mabrur,

Kita semua menerima mereka dengan hembira dan penuh kemuliaan, sebagai tamu Allah yang sudah selesai menunaikan rukôn Islam yang kelima,

Simak Syairnya
••••••••••••••••••••••••••••••••••••••••••••••••
JAMA'AH HAJI ACÈH
Sya'ir : Cek Medya Hus

Kru semangat rahmat meulimpah
Dari Po Tallah keu tanyoë geubi,
Ngon rahmat Tuhan Rakan meutuah
Sihat jeut sa'ah cit hana seu'i

Ngon sihat tubôh trôh ho ta langkah
Sabé gairah sihat jasmani
Sihat tubôh nyoë jinoë lôn kisah
Caé bacut bhah jama'ah haji,

Jama'ah acèh sahèh cit kasah
U nanggroë Meukah jak tanöh suci
Rukôn keu limöng agam inöng sah
Kalheueh geutawaf, kalheueh geu sa'i

Kalheueh geupubuet geujak rom jumrah
Kalheueh ziarah bak kubu Nabi
Abéh seuleusoë kajeut woë bagah
Mandum jama'ah maséng Embarkasi

Tanyoë meudô'a, nibak Po Tallah
Mandum jama'ah sihat Tuhan bi
Beutrôh geugisa sigra sigra lé bagah
U Seuramoë Meukah acèh Seurambi,

Beumandum Mabrura rata jama'ah
Öh woë di Makah beu beutôi haji
Sunggôh ibadat ta'at keu Allah
Bak buet nyang salah bèk rôh teu asi,

Bèk rôh teulanjô teukabô seurakah
Bèk rôh meuramah buet-buet nyang keji
Bèk rôh lé geujak bak teumpat tommah
Beu geutém minah jalan nyang simpi,

Sunggôh Taqua teuga Ibadah
Saba ngon tabah tan iri dengki
Beujeut keu contoh, keu hamba Allah
Akhlaqul qarimah ban akhlaq Nabi,

Meunan taharap meuhat meutuah
Beutôi jama'ah woë tanöh suci
Semoga Mabrura peulara Allah
Lam Jeut-jeut sa'ah lindôngan Rabbi,

Tanyoë ta sambôt patôt meuriah
Keubandum jama'ah horeumat tabi
Nyang ka trôh geuwoë, nyan tamu Allah
Sihat jeut sa'ah lé Allah neubi,

•••••••••••••••••••••••••••••••••••••••••••••md