Lobmungni Nangkukmani | Kaitorni Motha

Lobmung Wng Kha Kaisa Nangkukmani Panda Se Omoni Bising Tẃi Chwng Kaitorni Gana-o Tubujagwi Mano
Adam bai Ebi kaham hamya si rwnai buphangni bwtháino chámani bagwi Eden Tháiblwngni chẃngsachano kwmajakmani hai’-no, bororok chuknoha-o sumsok khlaimani bagwi bórokbo bebak chẃngsachano kwmajak kha tei hakhe o ha-o khikhlaiwi rohorjak kha. Bororok bórokni sumsokrokni bagwi Kaitor bai ma kak kha, phiya ba bórokni sumsok nakarjakmungni lama wngwi Sabat sal tei Yókma Terno khobwi, uáithamo khe tẃijakmani kaisnini terni bising tẃi khe Kaitor bórokno Bóno lobnani rw kha.

Kaitorni Motha Abelni Ratharmung hai khe, Sumsok Nakarjakmungni bagwi Lobmung Tẃi-o.
Baibelo chwng hai hwnwi srai-srai khlaiwi mano Kaitor khá phurjakmani, a Abelni ratharmung wng kha, Khristo Bini thẃino kruso kochok rwui bororokni sumsokrokno nakar anw hwnwi phunuksokmani se hwnwi. Thẃini ratharmungni bising tẃi, abo wng kha, lobmungni bising tẃi, bororok Kaitorni gana-o phaiwi mano tei Phola Kwtharni molni Mwthangnaisa a Khristo Ahnsahnghong bai Ama Kaitorni sajwk tei sajlarok wngwi Kaitorni núkhungni borok wngwi mano.

Tamo khe norok salsa hakchalo tongnairok Khristo Jisu bai thansa wngwi tabuk Khristo thwima bai gana tubujak kha. . . .
Abo baino norok buini bororok norok tei phatarsabo wng li ya, sinijak yabo wng li ya; norok tabuk Kaitorni bororok bai sak baksa wng kha, phiya Kaitorni nokni borok wng kha.
Epis 2:13, 19


[O video Swngchar Gwnangwi Kothoma Kaham Pírnai Bodol Kaitorni Motha bai copyright khlaijak. Gosimung na yaui sapokmani tei bágwi man ya.]

〖Swngchar Gwnangwi Kothoma Kaham Pírnai Bodol Kaitorni Motha〗https://watv.org
〖WATV Media Cast〗 https://watvmedia.org/en