فلوج رحله الفيوم با العجل 2021

سفريه الفيوم تجربه جديده و اصدقاء جداد 🚴💪🚴
من فتره ظهر الأخ شيكو ع الناصية وكنت معجب جدا با اللي بيعملو وانا واحد من الناس اللي بتدعمه 🥰🥰

شيكو أعلن خلال الأيام الماضية عن سفريه الي الفيوم با الدراجات الهوائيه احتفالا لهبوط وزنه الي 125🚴💪🚴

قررت اكون من أحد المدعمين ليه با الحضور والاحتفال با المجهود العظيم اللي عمله 💪🥰💪

شيكو اتبع نظام غذائي معين مع ركوب الدراجات الهوائيه ليهبط وزنه من 177ك ليصل لوزن 125ك 😲🧐😲

جهزت حالي ونسقت معاه وضافني لجروب الواتس 🥰 وكان في شخص جاي من القناطر القليوبيه وانا من شبين القناطر قليوبيه🤨 علي الرغم من بعد المسافه بينا وكانت نقطه التجمع بينا كانت ع الكورنيش لأن طريقنا مختلف وانا كنت راكب قطر لمحطة رمسيس وانطلقت من هناك ولما وصلت الكورنيش اتفاجئ😲 أن الشخص ده يكون عنده 14سنه ومسمي نفسه ع الواتس دراكولا بس كده أظن الرساله وصلت بس طلع شخص قد المسؤوليه وعنده اسرار وعزيمه واكتشفت أنه مش اول مره يخوض المغامره😲 دي وانا من موقعي هذا أناشد الأهالي متمنعوش أولادكم من هوايه بيحبوها وسيبوهم يفرغو الكبت والإحباط اللي جواهم في حاجه بيحبوها زي أهل محمد مطمئنين عليه وبيتابعوه في التليفون ومش بيمنعوه من تجربه جديده او بيحبطوه با العكس بيدعموه وبيساعدوه علي تنميه الهوايه بداخله وبيطمنه عليه من خلال الاشخاص اللي معاه والتواصل معاهم تلفونيا🥰🥰

اجتمعنا اول يوم العيد الموافق 13/5/2021 في الساعه ال ( 11:50pm ) لننطلق من الرمايه نقطه التجمع في الساعه ال ( 1:00Am ) الموافق 14/5/2021ثاني ايام العيد

انطلقنا من الرمايه بعد التأكد من وجود جميع المشاركين و هم 15 دراج🚴🚴🚴 والأدوات الخاصه بهم من خوزه و انوار وكشافات وأجهزه أنذار من الضوء و قرائه دعاء السفر. الطريق بدايته مطالع بس ده كان عادي با النسبه لينا. نظمنا نفسنا صف مكون من شخصين يليهم شخصين اخدنا استراحه عند البنزينه ع الطريق وقمنا ببعض المشتريات🍔🍗🌭 واتصورنا📷 وكملنا طريقنا المميز والاستمتاع با الجو المظلم المعتم ويعلوك النجوم🌌 با أشكالها المميزه ونقاء الهواء والهدوء طول الطريق
وبعد الانتهاء من اول مطلع تلاقي جاذبيه عظيمه تخطف قلبك معاها كده وتلاقي نفسك مش انت اللي سائق العجله و حرفيا كنت حاسس ان أنا بطير 🚀🛩️🚀

وعند وصولنا الي البوابه الصفراء وقفنا اتصورنا و كملنا طريقنا 📸📷

كله كوم واخر منزل ده كوم تاني خالص احنا مش كنا حسيين أن احنا بنطير لأ با الفعل احنا كنا طايرين🪂🪂 من علي الأرض طير قبل بوابات كرتة النقل كده المنزل ده وفي مطب الكل اكل المطب وكنا بتفرج علي الاسفلت من فوق كده🪂🪂 تحس انك مكوك فضائي🪐🙈😂 و بالفعل في ناس معرفتش تتحكم في نفسها 😲🧐بس الحمد لله عدت علي خير ❤️

و قبل مدخل ابشواي عن يافطة بحيره قارون وقفنا واخدنا اقتراحات المشاركين بس فكان في رئيين😲 وانقسمنا الي فريقين فريق اختار دخول بحيره قارون💦💦 والانسحاب ف نفس اليوم وفريق كمل لمدينه طاميه والاحتفال مع شيكو داخل منتجع سياحي و استمتعنا با يومين داخل المنتجع وبيتنا ليله والانسحاب في اليوم التاني 🙋

الشباب كلهم طلعوا ولاد ناس ومحترمين🥰🥰 وكنا كلنا واحد 💪💪مع أن احنا مفيش حد يعرف التاني وكانت اول مقابله لينا وكل واحد كان واخد واجهه وطريق مختلف لحين تصادفنا ل منشور شيكو ع الناصيه وقررنا ندعمه😍 ونكون معاه ويكون هو سبب من اسباب تجمع الشباب الجميل ده بعد فضل ربنا سبحانه وتعالي 💗💗

كان نفسي نرجع عجل بس للاسف ما كنش في حد مستعد للخطوه دي وركبنا عربيه لحد الرمايه وكملت لحد بلدي عجل لأن كان نفسي اقفل 100 كيلو متواصل ومقدرتش احققهم في السفريه دي 😢

وانا راجع استمتعت بجو القاهره والجيزه و كرنيش النيل وكل الطرق والكباري اللي مشيت فيها معرفش اسمائهم🙈😂😂 عديت علي جامعه القاهره وملقيتش حد يصورني روحت ماشي شويه لقيت التمثال اللي علي ال عشره جنيه😂😅 روحت مصور العجله وكان في عسكري بيمنع الناس تقرب منه لما شافني داخل عليه با العجله قالي اتفضل يا سعت الباشا بس مصورنيش 🙈😂 انا اللي صورت نفسي المهم فوق كبري كده معرفش اسمه ايه🤭😂 لاقيت كابتن عطلان نزلت ساعدته🛠️🔧 واتصورنا📷 سوا من غير ما نعرف بعض والإبتسامة الحلوه علي وشوشنا😄🥳 ومشينا كل واحد من سكه وانا نازل نازله الكوبري و واخد اتجاه كورنيش روض الفرج قابلت كابتن راكب روود القينا علي بعض التحيه🤗🤗 والسيلفي الجميل 📸واتمشينا مع بعض بس معرفش المكان اللي افترقنا فيه بس المهم أن كله كان ع الكورنيش قبل دخله شبرا الخيمه بعدها علي الطريق بتقابلني يافطه اسكندريه🥰 كل كام كيلو اندمجت واديتني ايحاء اني رايح الاسكندريه 😲 بس حطيتها في مخططاتي وان شاء الله هعملها في يوم من الايام 💪💪

مع اني استمتعت🤗 با السفريه واليومين اللذاذ دول و بوظو😲 مخطط قديم كنت ناوي اعمل مبادره اسمها #مقابله_الاصدقاء و كانت ناوي أول صديق أقابله هو Abdallah Ebrahim وزياره مدينه الزقازيق و بلبيس با العجل مش عايز اوعدك تاني بس الاكيد هتلاقيني ف يوم عندك 🥰
#هنشوف_بلدنا_علي_العجله