¥264 60分鐘中式按摩｜玖玖影院足道Spa@福田coco park店｜@老實妹遊深圳

缺點：
雖然book左6點開始，但到左近6:20先有得按，但係因為房間裏有大屏幕，感覺還好。唯獨是係按摩師一入嚟即刻㩒計時，鋪床時間都計左入去60分鐘內，唔知正唔正常，因為以往去嘅按摩店都唔係咁樣，歡迎你哋話返俾我聽點睇。
按咗5分鐘左右，因為冇音樂，所以我按摩師就播咗啲音樂，音樂嘅種類係有人唱歌，而且好激昂嗰隻，後尾忍唔住問下可唔可以轉番做輕音樂。
完成按摩出到櫃檯俾錢嘅時候，職員話總共七百幾，我疑惑地問唔係可以用大眾點評嘅套餐？ 佢話：係可以用的。所以記得俾錢嘅時候同佢講返要用大眾點評嘅套餐- 兩位加埋¥536，埋單係可以相差¥200，咁就可以慳返唔少啦！


**以上缺點僅是個人想法，請觀眾自行判斷！

老實妹宗旨：
1）唔講優點只會講缺點
2）如果冇發現任何缺點嘅話我唔會打出嚟
3）唔想為介紹而介紹，唔想將所有事物都帶上一個美好嘅濾鏡
4）除非有特別好嘅優點，如果唔係唔會提