„ოსკარი 2017“ - ლოს-ანჯელესი პრესტიჟული კინოდაჯილდოებისთვის ემზადება

ლოს-ანჯელესი ერთ-ერთი ყველაზე პრესტიჟული კინომოვლენის მასპინძლობისთვის უკვე მზად არის.

წითელ ხალიჩაზე ჟიურის წევრები, საპატიო სტუმრები და ჰოლივუდის ვარსკვლავები რამდენიმე საათში გაივლიან.

14 ნომინაციით კინოაკადემიის ფავორიტია დემიენ შაზალის მიუზიკლი ლა ლა ლენდი.

წლის რეჟისორის არჩევისას კინოაკადემიის წევრებმა უპირატესობა 5 ფილმს და მათ შემქმნელებს მიანიჭეს.

მამაკაცის როლის საუკეთესო შემსრულებლის კატეგორიასაც 5 ნომინანტი ჰყავს. რაც შეეხება ქალის როლის საუკეთესო შესრულებას ემა სთოუნს, რუთ ნეგას, მერილ სტრიპს, ნატალი პორტმანსა და იზაბელ იუპერს შორის კინოკრიტიკოსთა აზრით, არჩევანის გაკეთებისას, აკადემია საკმაოდ დიდი დილემის წინაშე დადგება.

ოსკარის პროდიუსერებმა დაანონსეს, რომ ყველა ვინც ოსკარზე საუკეთესო სიმღერის კატეგორიაშია ნომინირებული, აუცილებლად იმღერებს შოუზე.

წელს, დოლბის თეატრში შეკრებილ ვარსკვლავებს ამერიკელი ტელეწამყვანი ჯიმი კიმელი მიესალმება.