قصيدة للعباس😭 (بنيته مانساها) ام سجاد العزيباوية&هاجر الزينبية

لا تنسون الاشتراك بالقناة .. ♥
قصيده للعباس ((بنيته ماينساها)) 😭

اختنگ والراحه ما الگاها ..
بس كفيلي بنيته ماينساها

بدمعي احلفه بالعليله
يگضي شداتي الثگيله

وبسَكينه الجان روحه وياها
❥❥❥ـــــــــــ✿🪶✿ــــــــــــ❥❥❥
اختنگ من همي وصرخ ياشهم
گلبي شو موجوع غطيني بعلم
الحگني يالعباس ماكلني الندم!

مالي غيرك كل وسيله
بدمعي احلفه بالعليله

وبسكينه الجان روحه وياها
❥❥❥ـــــــــــ✿🪶✿ــــــــــــ❥❥❥
بيها احلفه الطلبته بس ما رجع
من عطشها هناك عالشاطي وگع
بسكنه كلمن حلفه الكافل فزع

تنگضي مو مستحيله
بدمعي احلفه بالعليله

وبسكينه الجان روحه وياها
❥❥❥ـــــــــــ✿🪶✿ــــــــــــ❥❥❥
ما نساني اول لگيته بكل صعب
مارجعت مأيسه ودموعي تصب
جنه ابوي واغله واقرب عالگلب

بنت ابو فاضل واجيله
بدمعي احلفه بالعليله

وبسكينه الجان روحه وياها
❥❥❥ـــــــــــ✿🪶✿ــــــــــــ❥❥❥
شگد ذرفت دموع لو اسمه نذكر
ما بجيت هموم ابجي اعله النهر
اليفزع النه شلون عالماي انبتر ؟

وكاسر حسين برحيله
بدمعي احلفه بالعليله

وبسكينه الجان روحه وياها
❥❥❥ـــــــــــ✿🪶✿ــــــــــــ❥❥❥
كون اشبگه وروحي ابجيهه اله
بحضنه اموت وكون اطيح بكربله
ابحب ابو فاضل اصير امدلله

روحي التحبك نحيله
بدمعي احلفه بالعليله

وبسكينه الجان روحه وياها
❥❥❥ـــــــــــ✿🪶✿ــــــــــــ❥❥❥
#الشاعرة هاجر الزينبية
لا اجيز الحذف او التلاعب بالكلام ❌