రావయ్య శ్రీ గౌరీ తనయ (కవి శ్రీనివాసుని కీర్తన) హార్మోనియం లెసన్

రావయ్య శ్రీ గౌరీ తనయ మమ్ము
కరుణించి కాపాడ వయ్యా
రావయ్య గజరాజా వదనా సుందర రూప
దేవ దేవ వా మమ్ము దరిజేర్చి రక్షించు

నిన్నే దలతుమయ్య మొదలు లడ్డు
ఉండ్రాళ్ళు అర్పించెదాము
పానకము  వడపప్పు పాయసము చలిమిడి
తేనె పరమాన్నములు తనివార భుజియించు

విజయము చేకూర్చవయ్య మా
విజయ గణపతి నీవెనయ్య
ముజ్జగరక్షక ముక్తిప్రదాయక
సుజన పాలక నీవే నిజ భక్త మందార

ధరణిలొ ముంబాపురమున  నీ
దాసుడు కవి శ్రీనివాసు
సరగున రావయ్య వరసిద్ధి గణపయ్య
భారము నీదయ్య భజన భక్తుల బ్రోవ


రెండవ పాట

అయ్యేటి పని ఏమో కానీ రామ
సయ్యాన నీ దయ రాని
అయ్యేటి పనికింత అనుమానమేమిరా
వెయైన నినుమాన విశ్వకారణ రూప
1.నింద సన్నుతులను జెంద / దేహ-మందున మరి ప్రీతి నొంద కందర జనక నీ-కరుణ గలిగితే చాలు ముందటి కర్మము-యెందైన తొలగునా

2.నిజముగ నిను నమ్మినాను | రామ | భజన జేసితి వేడ్కతోను గజరాజ వరద నీ-కాశించి యున్నాను అజుడు వ్రాసిన వ్రాత-కనుమాన మేటికి

3.మంతనమున భీతిజెంద ( నా మనసందు విభ్రాంతినొంద
వంతు  కొచ్చిన కర్మ-వశము తప్పగ బోదు
చింతింప పనియేమి-సిద్ధమై యున్నాను

4.పరమ సుందర చారు చరణా!
లోక-పావన వర ముక్తాభరణ
సరస రాకమచెర్ల-స్వామి నీ వాడను
పరగ నీదయ నాదు-ప్రాప్తము గనుగొందు

1) మూడవ పాట
రావయ్య శ్రీ వాసుదేవా । నన్ను-
రక్షించు మహానుభావా
రావయ్య నిను మహా-రాజు వనుచు మది భావించినాను నా-భారమంతయు నీదె

దాత వనుచు వేడినాను నీ-
దాసుడనై యున్న నేను
పాతక హరణా! నీ-ప్రాపు నమ్మితి నింక
యే తీరునైన న-న్నేలెద పనుకున్న ॥రావయ్య॥

పలుమారు నిను నమ్మినాను నీ-
పద పద్మముల సాక్షిగాను
తలచీ తలచి నిన్నె-పలువరించితి నింక
నళినాక్ష నన్నేల-వలెనని పొగడితి ॥రావయ్య॥

పరులకు లేశము వెరవా! నన్ను-
కరుణించ నీ కేమి బరువా?
వెరచి వచ్చితి నన్ను-వేరు జూడగ బోకు సరస రాకమచెర్ల-హరివని పొగడితి ॥రావయ్య॥