CHULUUNCHIMEG - TAVAN DOHIO Чулуунчимэг Таван дохио Official music video

Говийн ноён хутагт их соён гэгээрүүлэгч Данзанравжаа гурван зууны тэртээ зохиосон орчлонгийн жам ёсыг үнэнээр өгүүлсэн "ТАВАН ДОХИО" дууг тансаг дээдийн тахил болгон өргөе өө 🙏

Мөн чанарыг дуулсан нь "Таван дохио" юм
Үлэмж үзэхүйг дуулсан нь "Үлэмжийн чанар" юм 🙏
Мөн чанарыг таниагүй Үлэмжийн чанар гэж үгүй юм...

Хутагтын дууг сонссон хүн бүхэн хутагтын авшиг ерөөлд багтаж, сайхан эрчим энергиэр тэтгэгдэн юу санасан есөн цагаан хүсэл бүхэн нь биелж үргэлж дэвжин дээшилж явахын сайхан ерөөлийг өргөе өө 🙏

Миний бие энэхүү бүтээлийг хутагтын байгуулсан Хамрын хийд энергийн төвийг зорин очиж авшиг авч хийдийн хамба болон хутагтын тахилчтай уулзан дуулгаж хүндэтгэн авч дууллаа 🙏

Клипний зураг авалтаа хутагтын барьж байгуулсан Дорноговь аймаг Хамарын хийд энергийн төвд болон Дундговь аймаг Сүм хөх бүрд хийдийн туурьд очиж хийлээ 🎬

"ТАВАН ДОХИО"
Говийн эрдэнэ ноён хутагт Данзанравжаа

Халуун салхи салхилав
Хаа газар гэсэж
Харьсан шувууд ирэгч
Хавар цагийн дохио доо

Зүйт нар гарав
Зүс хур нь оров
Зүлэг суль сэргэгч
Зун цагийн дохио доо

Нарийн салхи салхилав
Навч цэцэг нь шарлаад
Нарийн дуутан буцагч
Намар цагийн дохио доо

Өргөн үүл гарав
Өндөр хангай бүрхэв
Үүлний цасан будрагч
Өвөл цагийн дохио доо

Үдийн наран гудайж
Үе нас нь өнгөрч
Өтгөн үс нь бууралтагч
Өвгөн болохын дохио доо

Энэ дууны нэрийг
Таван дохио гэнэ ээ
Эрдэнэт ноён хутагт
Эгшиглэн дуулж зохиожээ