Mount Everest Base Camp Trek - part - 02 | Hotel Everest View to Kumjung | යෙටී ගේ හිස් කබල සොයා..

The very first time when I saw the beauty of Mount Everest through the surrounding peaks of Nuptse (7,861m/ 25790.68 ft.), Mt. Lhotse (8,516m/ 27,940 ft.) and Ama Dablam 6,812 m/22,349 ft) it was the happiest, blissful, unbelievable moment in my life.

This part of the video starts with the cold breeze of Namche Bazaar, we woke up with icy feet but yet when the windows were open the view was magical.

After having our breakfast at the local lodge we started our trek again to The Mount Everest View Hotel, that was so far the most delightful moment in my life when I saw Mount Everest for the first time in my life.

I hope you will get the same feeling as I got and I was successful in expressing and grasping the moments as it was.

Greetings
I am Dinesh

-------------------------------------------------

ලෝකයේ උසින්ම පිහිටා ඇති හෝටලයට සහ නේපාලයේ සහ ටිබෙටයේ පුරාවෘත්තයන් වල ප්‍රධාන චරිතයක් වූ "යෙටී" ගේ ඉතිහාසය සොයාගෙන "කුම්ජුන්ග්" ගම්මානයට ගිය චාරිකාවේ රූප රචනාව.

"කදු හරහා වැටී ඇති කුඩා අඩි පාර එක් වරම යොමු වූයේ කන්දේ කෙලවරකටයි. ඉන් පහල විශාල හෙළක් වූ අතර ඈතට යන තෙක්ම දැක ගත හැකි වන්නේ උසින් සහ පෙනුමෙන් විශාල වූ කදු වැටි බොහොමයකි. සැබැවින්ම අද දිනය මාගේ ජීවිතයේ කිසිදා අමතක නොවන දිනයක් වනු ඇත.

මක්නිසාද යත් මාගේ ජීවිතයේ ප්‍රථම වතාවට "අමා ඩබ්ලම්" කන්ද සහ "ලෝත්සේ" සහ "නූප්ච්සේ" කදු ද්ව්ත්වයට මැදින් දිස් වන ලෝකයේ උසම කන්ද වන මුහුදු මට්ටමේ සිට උස මීටර් 8849 ක උසින් පිහිටා ඇති "එවරස්ට්" කදු මුදුන සියැසින් දැක බලා ගැනීමට ලැබීමයි. ඒ හදවතට දැනුනා වූ හැගීම සැබැවින්ම වචන වලට පෙරලා ගැනීමට තරම් අදටත් මා හට හැකියාවක් නොමැත.

කදු මුදුන් දෙස බලමින් තවත් පැය භාගයක පමන කාලයක් ගමන් කල පසු මුන ගැසෙන්නේ සොදුරු ඉසව්වකි. එහි එක් අන්තයක පිහිටා ඇත්තේ අප සොයා ආ ගමනාන්තය යි. හිම වලින් වැසී ගිය විශාල බොන්සායි වැනි ගස් වලින් වට කර ගත් හිම වලින් වැසී ගිය පඩිපෙළක අවසානයේ ඇති "Hotel Everest View" සැබැවින්ම හිම මාලිගයකට සමානය. මුහුදු මට්ටමේ සිට මීටර් 3880ක උසින් පිහිටා ඇති මේ සොදුරු නවාතැන්පොළ හදුන්වන්නේ ලෝකයේ උසින්ම පිහිටා ඇති නවාතැන්පොළ නැතහොත් හෝටලය ලෙසයි.

හෝටලයේ අනෙක් පස ඇති දිගු කොරිඩෝව හෝටලයේ අවන්හල ලෙස බාවිතා කරන අතර එය සෑම විටකම පාහේ සංචාරකයන්ගෙන් පිරී පවතින්නේ එහි ඇති සුන්දරත්වය සහ විශේෂත්වය නිසාවෙනි. උසින් අඩි තුනක් පමන වන කලු ගලින් කරන ලද අවන්හලේ පැති බැම්මට ඉහලින් හිම කදු යායක් ඈතට යන තෙක්ම දැක ගත හැකිය. එහි දකුණු පසින් "අමා ඩබ්ලම්" කන්දත් "ලෝත්සේ" සහ "නූප්ච්සේ" කදු ද්ව්ත්වයට මැදින් කදු නගින්නන්ගේ අවසාන බලාපොරොත්තුව වන "එවරස්ට්" කදු මුදුන දිස් වන්නේ ඉතා තේජාන්විත ස්වරූපයකිනි."

විශාල වදුරෙකුගේ හැඩ රුව ඇති දෙපයින් ඇවිද යන විශාල උසක් සහිත සත්වයෙක් ලෙස හදුන්වාදෙන "යෙටී" ගේ පා සළකුණු ජායාරූප ගත කිරීමට සහ ඒවා සටහන් කොට ගැනීමට අවස්ථාවන් දෙකක දී එනම් "1951 වර්ශයේ දී එරික් ශිප්ටර්" නැමැති සංචාරකයා විසින් සහ "2009 වර්ශයේ දී ජෝශුවා" නම් ගවේෂකයෙක් විසින් වන අතර මේ පිලිබද වැඩි විස්තර සොයා ගැනීමට "නම්චේ බසාර්" හි පිහිටා ඇති කෞතුකාගාර දෙකෙහි ඇති පුවත් පත් ශීර්ෂයන් සහ උපුටා දැක්වීම් පරිශීලනය කිරීම මගින් හැකිය.

ආයුබෝවන් මම දිනේෂ්

-------------------------------------------------