فهد بن مزعل 2023 | شمخُ الروس | مساعد الرشيدي
Автор: فهد بن مزعل Fahad bin Mazal I
Загружено: 2023-08-31
Просмотров: 37781
كلمات : مساعد الرشيدي
ألحان : عصام الحميدي
تسجيل : ابو بكر الحميدي
توزيع : أحمد حبيب
عود : هيثم الحضرمي
عزف ربابه : محمود سعيد
من هجوس تغني الذوق عن بعض الهجوسّ
يعلـم الله كنهـا اللـول يــوم نصبـهـا
كنها سراية البـرق لـي قامـت تهـوس
من يقول الله عليهـا نقـول ابشـر بهـا
القصايـد مـا نسـاوم عليهـا بالفلـوس
تفتخر فينـا القصايـد قبـل تفخـر بهـا
من خلقنـا الله وحنـا عزيزيـن النفـوس
ما نوطـي شمّـخ الـروس غيـر لربهـا
ما ردينـا والليالـي لهـا وجـه عبـوس
خـل يـوم أن الليالـي سميـح دربـهـا
لا جهرنا بالمثايـل نـدوس الـراي دوس
والدسايس بارد العيـن مـا يجهـر بهـا
ما نشدنا عن دنوع على الجـره يحـوس
=يحسب أنه صار حاجه وهو مـن جنبهـا
قدرنا عند النشامـى مجـرب ومحسـوس
الرجال اللي على الديـن مـا نبحل بهـا
التجـارب علمتنـا.. وصمينـا الـدروس
نعرف النفـس المريضـه ونعـرف طبهـا
ينطفي سم الحيايا وهو تحـت الضـروس
يا الله أنك تختصرهـا علـى مـن شبهـا
البنـادم لا تعافـى علـى كفـه يـبـوس
وش يبي باعراض الاجـواد يـوم يسبهـا
لا يحسب أن المراجل تجي دربـاي روس
ينتبه مـن جمـرة النـار لا يلعـب بهـا
Доступные форматы для скачивания:
Скачать видео mp4
-
Информация по загрузке:
