СҰМДЫҚ АЙТЫС. МҰХТАР МЕН СЕРІКБОЛ . Келіспеген, шаппа шап

Атырауда ҚР Әнұраны мәтінінің авторы Жұмекен Нәжімеденовтің 90 жылдық мерейтойына арналған «Менің Қазақстаным» атты республикалық ақындар айтысы өтті.

Аламан айтысқа Астана және Алматы қалаларынан, сондай-ақ Ақтөбе, Түркістан, Павлодар, Батыс Қазақстан, Қызылорда, Қарағанды, Маңғыстау және Атырау облыстарынан келген 12 ақын қатысты.

Айтыс барысында ақындар Жұмекен Нәжімеденовтің тұлғалық болмысын, оның отандық әдебиетке сіңірген еңбегін жыр арқауына айналдырып, қоғам тынысын дөп басқан көкейкесті мәселелерді қозғады.

Осылайша, қазылар алқасының шешімімен бас жүлдені Жансая Мусина иеленді (Батыс Қазақстан облысы). Ал бірінші орынды Батыржан Кәдірбай (Атырау облысы) мен Аруна Керімбек (Ақтөбе облысы) қанжығалады.  Екінші орын Мұхтар Ниязовқа (Қызылорда облысы) бұйырды. Үшінші орынды Нұрмұхамед Байсүгіров (Қарағанды облысы) пен Иран-Ғайып Күзембаев (Астана қаласы) өзара бөлісті.

Сонымен қатар Серікбол Панабердиев (Атырау облысы) пен Аян Ниязбек (Түркістан облысы)  арнайы сыйлықпен марапатталды. #айтыс #айтысатырау #айтысжұмекен #атыраудағыайтыс #республикалықақындарайтысы #айтыс2025