New Daily Expiry, Umar Punjabi Podcast Deleted, Demat Slowdown | Stock Market ka Tamsha Ep25

Stock market ki duniya mein roz ek nayi kahani likhi jaati hai. Kabhi exchanges ke naye experiments, kabhi finfluencers ke wild claims, kabhi bank ke andar ka scam, aur kabhi aise data points jo aam investor ko hila dete hain.
Iss bar ke Stock market ka Tamasha episode mein hum le aaye hain 5 badi kahaniyan jo aapko shock bhi karengi, educate bhi karengi, aur shayad thoda entertain bhi.

1. NSE IFSC ka “Daily Expiry Gift”

Socho, expiry ek waqt mein sirf Thursday ko hoti thi. Phir Wednesday add hua, phir Tuesday. Ab NSE IFSC ne Gift City se naya “tohfa” diya hai – Monday to Friday, roz ki expiry!

Sounds exciting, right? Lekin kya yeh actually retail traders ke liye khush khabri hai, ya phir institutions ka ek naya khel? Kaise 0DTE contracts roz ke roz expire karenge aur kisko fayda milega – yeh detail aapko video mein milegi.

2. Ek Podcast, Ek Guest, Aur Phir Backlash 💥

Trading community ne recently ek bade fake finfluencer ko seedha expose kar diya. Guest the ek self-proclaimed trading guru – lifestyle reels, Dubai vibes, aur thumbnails mein crore-crore ke claims. Podcast mein aayi 20–25% monthly return wali baatein… aur phir shuru hua backlash.

We are talking none other than Umar Punjabi!

Podcast raat ke andhere mein delete ho gaya, lekin sawal khade ho gaye: background check karna zyada zaroori hai ya nahin? It impacts your brand repo mate!

3. Scammer Banker ki Kahani 💸

Aap apne bank account par kitna trust karte ho?

Ek 32-saal ka staff officer ne apne hi branch ke 127 accounts khol diye – aur 16 crore rupaye siphon karke options, crypto aur betting mein uda diye. Retirement funds, FDs, minors ke deposits… sab gamble ho gaye.

CBI ne ise pakda ek train se bhaagte hue. Lekin sabse bada sawaal yeh hai – kya social media trading dreams ne isko trigger kiya? Aur aam customer isse kya seekhe?

4. Demat Accounts Ka Slowdown 📉

India mein har roz lakh-lakh naye demat accounts khul rahe hain, lekin zoom in karo to picture thodi alag hai. Pichhle 6 mahine mein growth slow hui hai, aur kuch bade brokers ne toh accounts lose bhi kiye.

Groww aur Zerodha jaise giants pehle bar chart ke neeche gaye, aur wahi ICICI, HDFC, SBICap jaise traditional brokers quietly gain kar rahe hain. Matlab game ab “fastest growth” ka nahi, “strongest retention” ka hai.

Badi kahani data ke andar hidden hai – aur woh humne video mein layer by layer khol di hai.

5. Mutual Funds Ka Lawaris Paisa 💰

Sochiye, ₹3,452 crore mutual funds mein pada hai… unclaimed. Last year tha ₹2,324 crore, aur usse pehle ₹1,838 crore. Matlab investors ne apna paisa invest to kiya, lekin redemption, dividend aur maturity amounts claim hi nahi kiye.

Reason? Old bank accounts, nominee updates na karna, careless paperwork. Aur ab SEBI laaya hai ek naya tool – MITRA – jisme aap apna PAN daal kar check kar sakte ho ki kahin aapka paisa toh “lawaris” pada nahi.

Yeh paisa aapka hai ya mere jaisa kisi aur ka? Suspense video mein khulega.

Har kahani ek layer kholti hai – chahe NSE IFSC ke daily expiry ka drama ho, finfluencer ki reality check wali kahani, ek banker ka trading-obsessed scam, demat growth ka asli graph, ya phir mutual funds ka unclaimed paisa.

Have you been scammed? File your complaint at - https://aseemjuneja.in/

Install Stock Pathshala for LIVE classes and Webinars now: https://play.google.com/store/apps/de...

iOS App:
https://apps.apple.com/in/app/stock-p...

Join Our Whatsapp Group: https://www.whatsapp.com/channel/0029...

0:00 Introduction
0:31 New Daily Expiry Launched
2:10 Umar Punjabi Podcast Deleted
4:32 Scammer Bank Employee
6:54 Demat Accounts Slowdown
8:54 Unclaimed Mutual Fund Money
10:31 SEBI launches MITRA