Ақтөбеде Ырғыз ауданының күндері басталды
Автор: РИКА ТВ
Загружено: 2016-09-04
Просмотров: 4432
Қалада Ырғыз ауданының күндері басталды. Бүгін таңертең аудан әкімі Мәди Елеусізов бастаған ырғыздықтар Әбілқайыр ханның ескерткішіне тағзым етті. Әбілқайырдың хандығы кезінде Кіші жүз қазақтары Ресей империясының құрамына кірген болатын. Ал, құжатқа қол қою рәсімі Ырғыз жерінде жасалған. Биыл бұл тарихи оқиғаға 285 жыл толып отыр. Ырғыз халқы туған өлкенің тарихы, табиғаты, өнері мен бай мұрасын қала тұрғындарына екі күн бойы таныстырмақ. Ауданда туризм саласын дамытуға баса мән беріліп жатыр. Биыл облыс әкімінің тапсырмасымен ақтөбелік оқушылар аймақтың мақтанышы - Ырғыз-Торғай резерватында үш күн болып, табиғатын тамашалаған. Мұндай экспедицияларға шетелдіктерді де тарту көзделіп отыр. Қала тұрғындары Ырғыз-Торғай табиғи резерватымен Ырғызға бармай-ақ таныса алады. Ерекше қорғалатын табиғи аумақта түсірілген фотосуреттер көрмесі бүгін облыстық көркем өнер музейінде ашылды. Резерват директорының орынбасары Мереке Жұбанияз негізгі қызметінен бөлек, әуесқой фотография ісімен айналысады. Көрмеге қойылған суреттің барлығын өзі түсірген.
Доступные форматы для скачивания:
Скачать видео mp4
-
Информация по загрузке:
