Qet Tu Tiştekî Te Tûne, Malikê Qelbên Te Jî El-Melîk E | El-Esmaû’l Hûsna 8 | Orhan Eren

Qet Tu Tiştekî Te Tûne, Malikê Qelbên Te Jî El-Melîk E | El-Esmaû’l Hûsna 8 | Orhan Eren

El-Melik/El-Mâlik/El-Melîk, navên ji Esmaû’l Hûsna ne. Ev nav ji koka “me-le-ke/mûlk” çêbûyî ye. Ev kok tê ser maneya hêzdarî û tendûristîya tiştekî. Ji ber vê yekê di nava Ereban de ji tiştên zêde bihêz û qûwwet re ji vê kokê nav çêdikin. Ji serwerî û hakimîyetê re “mülk” tê gotin. Tiştên ku di bin rayedarî û teserrûfa însan de ne re jî wek “mûlk” tê navandin. Lewre însan bi tiştên ku xwedîyê wan re ve dibe xwedî hêz û qûwet.

Heyîn, bi tevahî milkê Allah (ac) e. Allah (ac) di milkê xwe de xwedîyê otorîteya mutleq e. Her tişt li ber ezamet û seltaneta wî sitûxwar e. Di nava heyînê de tiştekî ku ne milkê wî be û tiştekî ku navê wî yê El-Melîk tecellî nekiribe tûne.

Allahê El-Melîk, ji evdên xwe ji kî re bixwaze milk dide wî. Ew kesên ku serwerî û dewlemendî û meqam ji wan re hatîye dayîn tê vê maneyê ku navê El-Melîk li ser wan tecelli bûye.

Ew kesê ku jê re qet tu milk nehatibe dayîn an jî ew ên ku milk ji destên wan hatibe sitendin jî tê maneya ku navê El-Melîk li ser wan tecelli bûye.

Li gorî pirên însanan zêdebûna milk (mal û milk û meqam) dibe wesîleya îzzetê. Dibêjin ku ew kesê Allah (ac) mal û milk dayê serdest e û ew ên bêpar in jî zelîl in. Lê belê bi zikirkirina milk û îzzetê/serdestîyê ya bi cudahî Allah (ac) vê ramanê betal dike. Rêyên ku Allah (ac) evdê xwe digihîne îzzetê pir zêde ne. Allah (ac) ji kî re bixwaze wî bi mal an bi heya û xweşrêwiştîyê an bi teqwayê an bi îstîxnayê (rûmeta nexwestina tiştekî ji tu kesî) an bi îlim azîz û serdest dike. Lewre ew, El-Azîz e. Îzzet bitevahî li cem wî civandî ye.

Milkê Allah (ac) milkekî heqîqî ye ku navê El-Haq hevalrêtîya wî dike. Tê de kêmîtî û zewaltî tûne. Lê belê milkê însan milkekî mecazî ye. Destpêkeke wê milkê heye û dê rojekî bidome. Însan, qet tu car nebûye melîkekî heqîqî û nabe jî…
Milkê Allah (ac) ji hemû kêmasîyan mûnezzeh e. Allah (ac) li dinya û li axîretê jî xwedîyê milk û melekût e. Ew “Malikê yewmû’d-dîn” e.

Ji tarîtîyên kufrê ber bi ronahîya wehyê ve...

Ji bo ku hûn me bişopînin:
📌 YouTube:
👉 https://www.youtube.com/channel/UCSp7...

📌 Twitter:
👉   / ebuhanzalaku  
👉   / dersen_tewhide  

#DersênTewhîdê #esmaülhüsna #kürtçe