Top News - Ekstradimet, fshihen bosët e krimit/ Preferojnë shqipërinë, jo burgun në Evropë

Në vetëm pak ditë, Shqipëria ka ekstraduar 5 persona të hetuar, të kërkuar, apo të dënuar nga Drejtësia shqiptare. I fundit në radhë ishte një vrasës nga Belgjika që pas arrestimit u ekstradua pas kërkesave të autoriteteve shqiptare.
Por, janë shumë pak bosë të krimit që ekstradohen jashtë vendit. Ka pasur raste të disa të dënuarve kryesisht në Itali, që pasi janë arrestuar ekstradohen drejt vendit fqinj. Por, emrat me peshë në arenën kriminale vijojnë të jenë në Shqipëri dhe përmes dredhive të kërkesave evropiane për ekstradim, duke shfrytëzuar mangësitë ligjore dhe sistemin e dobët të drejtësinë në Shqipëri kanë mundur të përfitojnë.
Edhe pse autoritetet shqiptare janë përgjithësisht aprovuese me kërkesat për ekstradim që vijnë nga shtetet anëtare në BE, gjatë viteve të fundit, disa të arratisur të profilit të lartë, të akuzuar për trafikim narkotikësh dhe veprimtari të krimit të organizuar, kanë mundur t’i luftojnë me sukses kërkesat për ekstradim në gjykatë.
Vendimet e gjykatave i kanë vënë autoritetet shqiptare shpesh në vështirësi me partnerët ndërkombëtarë, duke cënuar ambicien e vendit për të përshpejtuar procesin e anëtarësimit në Bashkimin Europian.
97 shtetas shqiptarë ose të huaj u arrestuan dy vitet e fundit bazuar në mandat-arreste ndërkombëtare, kryesisht të ardhura prej Italisë. Në 64 raste, të arratisurit u ekstraduan, në 21 raste autoritetet e huaja ranë dakord të konvertojnë mandat-arrestet me njohje të vendimit në një gjykatë shqiptare, në shtatë raste ata tërhoqën urdhrin e arrestit, ndërsa në pesë syresh, kërkesa për ekstradim nuk u pranua nga gjykatat shqiptare.
Të arratisurit shqiptarë i kanë bërë dredhi ekstradimit, jo vetëm përmes teknikave ligjore në gjykatë, por gjithashtu duke ia mbathur kur kanë qenë në arrest shtëpie në pritje ekstradimit.


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Ekstradimet#Evrope#TopChannel