Essam Sasa - Etneen b Makam Malayeen (Lyric Video) | عصام صاصا - اتنين بمقام ملايين (كلمات)

Subscribe to Sony Music Middle East YouTube Channel to get our latest releases!
http://bit.ly/SubSMEME

Listen to "Etneen b Makam Malayeen" on all platforms | اسمع أغنية "اتنين بمقام ملايين" على كل المنصات
https://lnk.to/Etneen

Essam Sasa - Etneen b Makam Malayeen (Lyric Video) | 2024
عصام صاصا - اتنين بمقام ملايين (فيديو مع الكلمات) | ٢٠٢٤

كلمات وألحان: محمود سوستا
توزيع: كيمو الديب

ليلة ليلة ليلة ليلة ليلة ليلة ليلة ليل
ليلة ليلة ليلة ليلة ليلة ليلة ليلة ليل
ليلة ليلة ليلة ليلة ليلة ليلة ليلة ليل

طول ما الدنيا دي بينا بتلف
إحنا هنفضل كتف في كتف
ده المعوج معدول في وجودنا
وأي تقيل قدامنا يخف
خفاف ع القلب تقال ع الأرض
إخوات ضهر وعزوة إحنا لبعض
مطرح ما بننزل بنسيطر
من دخلتنا الكل إتخض

إحنا إتنين
إتنين آه بس إتنين بمقام ملايين
مكتسحين
واكلين الجو مافيش جامدين تانيين
آه جسمين
بس إحنا بقلب واحد يا زميلي عايشين
مش بنخاف
ونسد عين الشمس وقلبنا جبروت
بس نضاف
ويا اللي معانا سالكين وعلى المظبوط
ناكلك حاف
لو مرة هتيجي علينا تعلي الصوت

الأيام بصعوبة بيعدوا
ع اللي يقضي الرحلة لوحده
ويا بخته اللي في ضهره يلاقي
أخ جدع واقف بيسانده
طول ما في ضهرك أخ يسد
عمرك ما هتعطل على حد
هي الدنيا دي إيه غير أخ
يبقى في ضهرك وقت الجد

مهما حكيت
عن أخويا ومهما هقول أنا مش هكفيه
لو لفيت
الدنيا دي كلها بمشي أتشرف بيه
لو حسيت
بالضعف في مرة ببص في ضهري ألاقيه
كله في كوم
بس إنت يا أخويا في كوم تاني لوحديك
لو مهموم
مش بعرف أفضفض وأحكي همومي غير ليك
حتى اليوم
ما بيكملش ولا يعدي يا أخويا غير بيك

أنا وأخويا على الأيام
وما نعرفش الإستسلام
مهما الدنيا تعجز فينا
برضه إحنا هنفضل قدام
مليون حفرة ومليون فخ
والسكة دي محتاجة لأخ
كل واحد محتاج التاني
والعضلات محتاجة لمخ

مهما نشوف
في الدنيا دي عمرنا يوم ما نحس الخوف
لو ع الموت
ساندين بعضنا دايمًا على أي ظروف
شوفنا كتير
في الدنيا ولسه كتير قدام هنشوف
كله يهون
طول ما إنت في ضهري يا أخويا ما يشغلناش
مهما يكون
كتف في كتف وعن بعض ما نستغناش
واللي يخون
عيشنا وملحنا ع الدغري ما يلزمناش

إحنا وصلنا لليڤل الوحش
وعملنا اللي ما إتعملش
إسمنا بس لوحده يخوف
أما إحنا يا صاحبي ما بنخافش
هي ما جاتش معانا بالساهل
بس عشان سالكين نستاهل
ربك ما بينساش مخلوق
وإحنا وصلنا عشان بنحاول

#sonymusic
#SonyMusicMiddleEast

Follow us on Facebook:   / sonymusicmiddleeast  
Follow us on Twitter:   / sonymusicme  
Follow us on Instagram:   / sonymusicme