في ناس بتسكُن في قلوبنا كلمات الشاعر محمد البهلوان الحان وتوزيع وغناء ايمن النمر

#اكسبلور #اعتني #voiceeffects #فيلم #فيلم نهر الحب #فاتن_حمامة #زكي رستم #عمرو الحريري
الكلمات كاملة
ناس بتسكن في قلوبنا بقلمي الشاعر محمد البهلوان
في ناس بتسكن في قلوبنا
من مرة واحده شوفناهم
وناس عشرتها دي ذنوبنا
ولا حتى قادرين ننساهم
وناس معلمه علينا
من كتر جرحها فينا
لا قولنا اه وادينا
ماشين بعذبنا يا ولاده

الناس الطيبة اهيه
طب ليه يا خلق منسية
والقسوة ماشية معدية
والحب راح يا خلق الله

والدمع بقي ليه صاحبنا ولا حد حاسس بينا لا

الدنيا دي بجد عجييبة
هتعيش فيها برقة وطيبة
وحدك هتبقي في تغريبة
هتعيش غريب وسط الأغراب

هتعمل من البحر طحينة
هتبقي باشا وافندينا
عيشها نفاق يا اخينا
هتبقي فل ومن الاحباب

الدنيا دي اصلة طينة واخرتها ايه تراب في تراب

العادي في زمنا بنكدب
وطبيعي على غيرنا بنحقد
علشان فلوس معقولة نحسد
ما كفاية مستورة من الرحمن

لا اخ واقف جنب اخوه
ولا خال وعم يا خلق يا هوه
اسامي بس كلام وقالوه
ووقت الدفع اهرب زوغان

اصل الجنية تمنة ده غالي مش سهل يطلع كده ولا كان



بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات