Мақсатымыз - дау бойынша әділ шешім шығару | ⚖️ «Заң үстемдігі» қонағы - Оралхан Тұрсынов

⚖️ «Заң үстемдігі» YouTube арнасының қонағы – Астана қалалық сотының судьясы Оралхан Тұрсынов. Ол қоғамдағы өзекті мәселелердің бірі – сот орындаушыларының қызметі туралы өз пікірін білдіріп, бұл салаға қатысты азаматтардың наразылығы жиі кездесетінін атап өтті.
Бағдарламада судья Оралхан Тұрсынұлы өз қызметінде ерекше әсер еткен іс - көп балалы отбасынан шыққан, жоғары оқу орнына мемлекеттік грантпен түскен, кейін әділетсіздікпен оқудан шығарылған қыз баланың құқығын қорғауға қатысты оқиғаны баяндады. Сонымен бірге Оралхан Тұрсынұлы қара қылды қақ жарып, әділдік орнатудың маңызы туралы жас судьяларға кеңес беріп, ағалық ақылымен бөлісті.
Бағдарламада ерекше назар аударатын тағы бір маңызды дүние – Оралхан Тұрсынұлының заң шығару қызметіндегі мол тәжірибесі. Ол Парламент қабырғасында Қаратай Тұрысов, Шерхан Мұртаза, Фариза Оңғарсынова, Сәт Тоқпақбаев сынды халқымыздың көрнекті қайраткерлерімен бірге еңбек етіп, заң жобаларын шығару кезіндегі қызықтарын әңгімеледі. Бұл тәжірибе оған заңгерлік жолда үлкен көмегін тигізгенін жеткізді.
Бағдарламаның толық нұсқасын "Заң үстемдігі" YouTube арнасынан көре аласыздар.

⚖️ «Заң үстемдігі» бағдарламасы. Бағдарлама жүргізушісі – Нұргүл ҚАРАҒОЙШИНА




Лицензия Creative Commons Attribution 4.0 на использование трека Namaste (исполнитель: Audionautix): https://creativecommons.org/licenses/...