30 ноября 2025 г.

Қарағанды облысында білім беруді дамытудың оқу-әдістемелік орталығының бастамасымен "Өркен қоғамдастық бірлестігінің" ұйымдастырумен
2025 жылдың 28 қарашасында Шет ауданы КМҚК «Нұршуақ» бөбекжайы базасында, Теміртау қаласы «Аққу» және «Балдәурен» балабақшаларының бірлесуімен
" Бірге ойнаймыз, бірге өсеміз: инклюзивті білім – болашақ кепілі" тақырыбында жас педагогтарға арналған облыстық семинар-практикум өтті.
Семинарға 56 педагог қатысты. Семинар мақсаты мектепке дейінгі білім беру ұйымдарында ерекше білім беруді қажет ететін балалармен жұмыстың тиімді әдістерін пайдалану арқылы олардың әлеуетін ашу және қолайлы, қауіпсіз білім беру ортасын қалыптастыру.Семинардың ашылуында ҚО ББД ОӘО әдіскері
А.Д. Бугубаева мен Қарағанды облысының «Өркен» мектепке дейінгі тәрбие мен оқыту педагогтері қауымдастығының төрайымы Л.Қ.Сулейменова құттықтау сөз сөйлеп, жас мамандарға шабыт, табыс және кәсіби өсім тіледі. Ұйымдастырылған іс-шара инклюзивті білім берудегі заманауи әдістерді тәжірибе жүзінде меңгеруге мүмкіндік берді.
🔹 Семинар барысында қатысушылар:
– Инклюзивті білім берудің өзекті бағыттарын талқылады;
– Ерекше білімді қажет ететін балалармен жұмыстың тиімді тәсілдерін үйренді;
– Дамытушы ойындар, қолдаушы орта құру, бейімдеу әдістері бойынша практикалық тапсырмалар орындады;
– Тәжірибе алмасып, шеберлік сағаттарына қатысты.
Семинар соңында КМКҚ "Нұршуақ"бөбекжайы" директоры С.И.Махмудова сөз сөйлеп, келген қонақтарға алғыс білдіріп, шабыт, кәсіби табыс және шығармашылық серпін тіледі.
Бұл семинар жас педагогтардың кәсіби дамуына серпін беріп,сондай-ақ осындай кездесулердің балалардың тең мүмкіндігін қамтамасыз етуде қаншалықты маңызды екенін атап өтті.
Семинар қорытындысы бойынша қатысушылар тақырыптың маңыздылығын және семинардың жоғары деңгейде ұйымдастырылғанын атап өтті, осындай кездесулерді жалғастыруға өз тілектерін білдірді.