19. Jale

19. Jalë
Jala është magaritari i plazheve të jugut por ndërkaq mund të kthehet mbrëmjeve e mëngjeseve edhe në shtegun e sigurt të një peshkimi të suksesshëm nga bregu. Për të arritur në Jalë duhet të marrësh nga bregu përgjatë rrugës Himarë-Dhërmi, rreth 12 km nga Himarë në drejtim nga veriu. Duhet të shmangesh nga rruga kryesore dhe të zbresësh në një rrugë mjaft panoramike pothuajse pingul drejt detit deri në afërsi të plazhit ku ndjek një rrugë me kthesa derisa përshkruan edhe largësinë e mbetur deri në plazh.
Plazhi i Jalës është një gji i ngushtë i ndarë në dy pjesë nga shkëmbinj të ngritur mbi ujin, i rrethuar nga kodra të gjelbra që zbresin drejt detit si perde natyrore.
Peshkimi me grep mund të kryhet në anët shkëmbore të dy plazheve të cilat ofrojnë pika perfekte ku peshqit strehohen dhe i afrohen karremit pa drojë.
Mund të kapësh levrek, koc, barrakudë, peshk shigjetë dhe ndonjë oktapod që ka zgjedhur për gjah zgavrat e shkëmbinjve afër bregut.
Peshkimi në verë preferohet jashtë zonave me pushues, për të ruajtur hapësirën dhe qetësinë e notuesve. Në vjeshtë e pranverë, kur turma rrallohet, Jala kthehet në bregun e përsosur për grep, me tinguj deti e ajër të pastër. Peshkimi nga bregu mund të shoqërohet shpesh me një stol të thjeshtë, kafe ose limonadë, duke e kthyer pritjen në ritual relaksi. Por në muajt jashtë sezonit ushqimet dhe pijet duhet ti keni me vete. Deri nga fundi i tetorit ka lokale të hapura por më pas deri në pranverë rrallë mund të gjesh të tilla veçse në ndonjë fundjavë të ngrohtë dhe me diell.
Gjatë kohës së sezonit, plazhi është i njohur për mbrëmjet e gjata dhe plot energji të lokaleve të mbushura më të rinj.