ШЫМКЕНТТІК ТЕРГЕУШІ НҰРАЙДЫҢ ӨЛІМІНЕ ҚАТЫСТЫ ТЫҢ ВИДЕОМЕН БӨЛІСІП ӘДІЛДІК ІЗДЕЙДІ

Шымкентте кісі қолынан қаза тапқан Нұрай Серікбайдың өлімі қоғамды әлі күнге дейін бейжай қалдырған жоқ. Кең қоғамдық резонанс тудырған бұл іс жуырда Президенттің назарына ілігіп, Қызылордада өткен Ұлттық құрылтайда көтерілді. Алайда ресми мәлімдемелерге қарамастан, оқиғаның көмескі қалған тұстары аз емес.

«Жүйе» бағдарламасының қонағы — Әбілғазы Артықбай. Бүгінгі сұхбатта ол Нұрайдың өліміне қатысты көпшілікке жарияланбаған деректерді ортаға салып, Шымкент қалалық полициясының ішкі жүйесінде болып жатқан жайттарды ашық баяндайды. 2018 жылдан бері ішкі істер органдарында қызмет атқарған полиция қызметкері бұл оқиғадан кейін жұмыстан шеттетілгенін мәлімдейді. Сонымен қатар, Ішкі істер министрлігінің қабылдаған шешімін қайта қарауды талап етіп, аталған іске Мемлекет басшысының араласуын сұрайды.

2025 жылдың 5 қазанында Әбілғазы Артықбай кезекшілік барысында «102» пультіне түскен шақырту бойынша Бозарық шағынауданына барған. Сол күні Шерханның үйінде шын мәнінде не болды? Қаратау аудандық полиция басқармасында Нұрай тергеушіге қандай мәлімет айтты? Бозарықтағы шақыртудан кейінгі үш ай ішінде екі жас қайда жүрді? Нұрай мен оның жақындары құзырлы органдардан расында көмек сұрады ма? Осы және өзге де маңызды сұрақтарға жауапты біздің жаңа шығарылымнан көре аласыз.


Арнамызға жазылып, «Жүйе» бағдарламасының қонағы болуға асығыңыз. Өзіңізді толғандырған мәселелерді жария алаңға шығарып, әділетсіздікпен күреске бірге үлес қосыңыз.

📲 Байланыс: +7 701 186 38 38
💬 Жоба ақылы. Демеуші көмегімен түсірілді.

Шындықты бірге іздейік! Арнаға жазылыңыз, бөлісіңіз, қоғамдағы әділетсіздікке бейжай қарамаңыз.