Leedjes Gala Gelaen 2025 - Aafsjied Ben en Anita van de Bertha Bend

Leedjes Gala Gelaen: nieuwe energie voor de Gelaense vasteloavendstraditie

Na een paar stillere jaren blies Geleen haar geliefde vasteloavendsleedjeswedstrijd nieuw
leven in. Op vrijdag 17 oktober 2025 vond in De Reunie het allereerste Leedjes Gala Gelaen plaats: een sprankelend evenement waar de Waereldjstad-sjlager van het jaar gekozen werd.

Vanaf 12 mei konden artiesten, tekstschrijvers, componisten en muziekgroepen zich inschrijven. De inschrijving sloot op 1 juli. Vervolgens was er tot 15 augustus de tijd om een demo aan te leveren. Alle inzendingen die meedingen naar de titel Waereldjstad-sjlager 2025 worden begeleid door de vaste huisband: de Bertha Bend.
Nieuw dat jaar was de ‘boetegeweune’ categorie – een knipoog naar liedjes die misschien niet helemaal binnen de wedstrijd passen, maar wél een plek verdienen op het podium. Deze inzendingen dingden niet mee naar de titel van Waereldjstad-sjlager, maar maakten wél deel uit van het gala.

De organisatie was in handen van een enthousiaste werkgroep, die werkte onder auspiciën van De Vief van Gelaen. Samen bouwden ze aan een nieuwe traditie vol muzikaliteit, creativiteit en vasteloavendsplezier.

De Bertha Bend 2025

Al 20 jaor haet de Bertha Bend es “live band” de finaliste van ’t Gelaens Vastelaovesleedjes Kónkoer (GVK), noe Leedjes Gala Gelaen (LGG), begeleid.
De Bertha Bend (BB) woort eind 2004 opgerich door Paul Donners en Ben Erkens.
In die 20 jaor haet de BB, mit de leedjes van dit jaor d’rbie, al zo’n 186 Gelaense leedjes ingesjtudeerd en daonao same mit de finaliste oppe bühne gebrach. Dit is gemiddeld zo’n 9 leedjes per jaor. Ouch sjpeelde de BB jeder jaor ‘n vieftal extra Gelaense- en Limburgse leedjes op de finale-aovend.
In de loup d’r jaore höbbe in versjillende bezèttinge zo’n 28 muzikante deil oet gemaak van de BB. Paul zurgt veur ’n sjtökske organisasie, sponsoring, ‘n hepke en ‘n drenkske en óngersjteuning. Ben is muzikaal leider, óngerhilt de kóntakte mit de arrangeur(s) en muzikante, zörg d’rveur dat de partieje sjpeelklaor zeen en hae organiseert en leidt de repetities.
 
De Bertha Bend dreug häöre naam es eërbetoon aan tweë bekènde Gelaense dames die väöl beteikend höbbe veur de vastelaovend in Gelaen (en Limburg!).
Dat zeen Bertha Paulissen-Willen (o.a. wèthouder van cultuur en oprichster van ‘t LVK) en Bertha Franssen (bekènd oetbaatster van häör café aan de Riekswaeg).
Lid zeen van de BB is ’t bekènde ”leefdewerk-awt-pepier”. Veurop sjteit dat de leje
d’r gaer aan mitwèrke en mit hun muzikale kwaliteite ein biedrage wille levere aan
’t welsjlage van ’t kónkoer.
 
De finaleleedjes van 2025 zeen gearranzjeerd door Dinand Claessens, Ben Erkens en Hub Lemmens. Mit väöl inzèt en plezeer is d’r vanaaf eind september pès noe zo’n 7 maol gerepeteerd. De finaliste höbbe tweëmaol (en nuujkómmers eine kaer extra) mit de BB kènne oefene in ’t KRAG-zaelke (Kommitee Revue Awt-Gelaen) van ’t Hubertushoes. KRAG sjtèlt dit zaelke al jaore hiejveur ter besjikking.
De Bertha Bend sjtèlt ouch vanaovend weer uche aanwezigheid bezunjer op pries! Zeker noe d’r weer awwerwèts väöl (namelik 8) finaleleedjes zeen! Veer gaon d´r same eine gezèllige, sjportieve en sjpannende Gelaense leedjesaovend van make, wobiej de finaleleedjes natuurlik centraal sjtaon. Väöl loesterplezeer!
  
De bezètting van de Bertha Bend 2025:
Ron Salden: Trómpöt
Maurice Geilen: Trómpöt
Eloy Salden: Trómboon
Roger Herpers: Trómboon
Ronald Claessens: Basgitaar
Maarten Smits: Sjlaagwerk
John Hamers: Keyboard
Anita Jetten: Zank & percussie
Ben Erkens: Zank & gitaar

P.S.
Nao 20 jaor muzikaal leider en “kartrèkker” van de Bertha Bend te zeen gewaes, geit Ben Erkens d’r sjtilaan mit sjtoppe.
Daoróm is de organisasie op zeuk nao ènne ènthousiaste opvolger veur Ben.
Höb geer zelf interesse, of kènt geer emes dae wellich interesse haet, laot dit dan effe Paul Donners en/of de organisasie-secretaris Cees Didden weite.
’t Zou sjoan zeen es ós Waereldsjtad ouch de kómmende jaore kènt blieve genete van ’n “live-bend” op de finale-aovend van ’t Leedjes Gala Gelaen.