Top News- Tërmet i frikshëm, magnituda 7.5 /‘Pritet të vijë i madhi’, dhjetëra të plagosur në Japoni

Të paktën 30 persona u plagosën pas një tërmeti me magnitudë 7.5 që goditi Japoninë verilindore të hënën në mbrëmje, duke detyruar mijëra njerëz të evakuoheshin nga shtëpitë e tyre. Tërmeti u regjistrua në orën 23:15 në një thellësi prej 50 km, rreth 80 km larg bregdetit të rajonit Aomori, tha Agjencia Meteorologjike e Japonisë. Ai shkaktoi paralajmërime për cunami të cilat tani janë tërhequr, ndërsa u panë dallgë 70 cm të larta. Disa shërbime trenash janë pezulluar dhe mijëra shtëpi kanë mbetur pa energji elektrike. Autoritetet kanë paralajmëruar gjithashtu se një dridhje më e fortë toke mund të ndodhë në ditët në vijim, duke i kërkuar publikut të qëndrojë në gatishmëri të lartë për të paktën një javë, sipas raporteve të mediave lokale. Duke iu drejtuar qytetarëve të prekur nga tërmeti, kryeministrja japoneze Sanae Takaichi tha: "Rikonfirmoni përgatitjen tuaj të përditshme për tërmete, siç është sigurimi i mobiljeve dhe përgatituni të evakuoheni menjëherë nëse ndjeni dridhje toke". Sipas agjencisë së lajmeve Reuters, u lëshuan urdhra për evakuimin e rreth 90,000 banorëve.
Qeveria japoneze ka ngritur një zyrë reagimi brenda qendrës së menaxhimit të krizave dhe ka mbledhur një ekip emergjence po ashtu. Po punohet tani për vlerësimin e dëmeve dhe zbatimin e masave emergjente për reagimin ndaj fatkeqësive. Pas lëkundjes së tokës, kompania japoneze e energjisë elektrike Tohoku Electric Poëer tha se nuk u raportuan probleme në termocentralet e saj bërthamore Higashidori dhe Onagaëa si rezultat i tërmetit. Asnjë parregullsi nuk u zbulua as në vendndodhjen e termocentralit bërthamor të Fukushimës, thanë autoritetet japoneze për Agjencinë Ndërkombëtare të Energjisë Atomike. Fukushima u dëmtua kur një tërmet me magnitudë 9.0 goditi bregun lindor të Japonisë më 11 mars 2011. Ky tërmet, më i fuqishmi i regjistruar ndonjëherë në Japoni, shkaktoi një cunami që përfshiu ishullin kryesor Honshu, duke vrarë më shumë se 18,000 njerëz dhe duke fshirë qytete të tëra nga harta.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#Termeti#Japoni