CHANJO YA RUZUKU YAWAPA MATUMAINI WAFUGAJI IRINGA
Автор: PAMLOMO24
Загружено: 2025-11-21
Просмотров: 85
Baadhi ya wafugaji mkoani Iringa wamepongeza serikali kwa kutoa chanjo ya ruzuku dhidi ya homa ya mapafu ya ng’ombe, wakisema hatua hiyo itasaidia kupunguza changamoto ya magonjwa katika maeneo yao na hatimaye kuboresha ubora wa mifugo sambamba na kuongeza kipato kutokana na uhakika wa soko la mazao ya mifugo.
Hatua hiyo imeonekana kuwa faraja kwa wafugaji hasa kutokana na gharama kubwa za chanjo ambazo mara nyingi zimekuwa kikwazo kwao katika kuhakikisha mifugo inalindwa dhidi ya magonjwa hatarishi.
Taarifa hizo zilibainika hivi karibuni baada ya Wizara ya Mifugo na Uvuvi kupitia Kituo cha Uchunguzi wa Magonjwa ya Mifugo Kanda ya Nyanda za Juu Kusini (ZVC) – Iringa, kuanza zoezi la kuchukua sampuli za damu kwa ng’ombe waliochanjwa ili kubaini ufanisi wa chanjo hiyo.
Zoezi hilo limeanza katika Wilaya ya Kilolo, kisha Iringa, na linatarajiwa kuhitimishwa katika Wilaya ya Mufindi, likiwa na lengo la kuhakikisha kuwa chanjo inayotolewa inafanya kazi kwa kiwango kinachotarajiwa na kusaidia kupunguza maambukizi ya homa ya mapafu kwa mifugo mkoani humo.
Доступные форматы для скачивания:
Скачать видео mp4
-
Информация по загрузке:
