Кутман Жолдошев "Ушундай беле бешене?!"

"Ушундай беле бешене?!"
Сөзү : Надырбек Алымбековдуку
Обону : Арзыбек Бедияровдуку
Ал күндөр жыргал түш эле,
Арзуудан бүткөн иш эле.
Сезимге ыйык гүл өнүп, гүл өнүп,
Сен деген көңүл түз эле.

Көксөгөн ойлор жыш эле,
Көкөлөп учкан куш эле.
Көргөнүм жалгыз сен болуп, сен болуп,
Көңүлдүн дарты ушу эле.

Күлгүн жаш сенсиз бай беле?
Күркүрөп аккан дайра эле.
Толукшуп турган ажарың, ажарың,
Тоо башын өпкөн ай беле?

Ал мезгил алтын кез эле,
Алтын кез өттү тез эле.
Унуткус күндөр эми жок, эми жок,
Ушундай беле бешене?