mangunguma by chito ilonggo

original song by Chito Ilonggo. dedicated to Papa Victorino Soltis. we love and miss you always.

Mangunguma
I
Halin sa pag butlak asta sa pag tunod sang adlaw
Ang pirmi upod arado kag karabaw
Ang nag sakdag sang akon pamilya
Sa pag pangabuhi amo ang pagpanguma
II
Sa pag panguma kabudlay sang obra
Gakasalugsugan, naga kalunangan
Ang tiil kag kamot sa araduhan
Ginasulay ang init kag ulan
Refrain:
Bisan ako pobre lang nga mangunguma
Sa balhas gakabuhi di sa mala-in nga obra
Ini mapabugal sa akon pamilya
Bisan ako pobre lang nga mangunguma
III
Kon bagyuhan okon tig lalaya
Daw sa mabu-ang, wala sang kita
Ubos ang kapital nga gin utang pa
Paano mabayaran, Diyos na ang bahala
IV
Kag kon swertihon, kon tig alani
Sa pagkamag-an sang pamatyagan
Kay ang resulta akon nga nakit-an
Sa pag panguma nga pinangabudlayan
(repeat refrain)
( instrumental then refrain)
V
Sa kada adlaw sang Diyos ginhimo
Kaming mangunguma naga pangamuyo
Maayo nga patubas amon napangayo Agod makabulig sa mga pumuloyo
(repeat refrain)
...Ini mapabugal sa akon pamilya
Bisan ako pobre lang nga mangunguma
XXXXXXX