الشوط

للتواصل والاستفسارات :
الحسابات الرسمية
​
‏Official WhatsApp :
https://api.whatsapp.com/send?phone=5...


______________


اليل ساري والقريحه ترقب اليل العتيم
يسرّي الهاجوس مسرا اليل لامنه سرا

في خاطري عصماً فرايدها توقع في الصميم
اليوم ماجوبي بدا غير استريحو ياشعرا

كل القبيله تنتظرني غير والله العظيم
مايبتدي لازم بني عمي وادور لـ الذرا

قصيدتي والله ماشيدها على الجال الهشيم
شيدت مبناها بسم ربعي على قمة كرا

يامبارك الزخنوني اسمك يحرق اوراق الخصيم
قلي من الي عاد باقي عن فعولك مادرا

من قيض تصريحك يابو هادي على الوجه اسليم
اتصرح وغيرك يابو هادي يدور لذرا

اليا لقيت الحاشي الفردي ماتنشد كم سيم
تشريه بشيك المجيّر هذا والله المشترا

نظرتك في مشرا النوادر ماهيب نظرت غشيم
اليا لقيت النادره ماتنتظر شور اشورا

سوداً ليا سارت تسبّر في السما براق ديم
اليا مشيت اخلافها شفت الاطيمس من ورا

سميتها بسم الهواجر كلها وابنا مظيم
قبايلن تطرب على كسب التحدي والمرا

جمعٍ ليا رد البرا كنهم على صالي الجحيم
جمع قحطان الي تنومسنا ليا رد البرا

لاجا الملاقا للخيول الصفر والبندق وشيم
تامن بعزوتنا نهار الحرب متلي وعشرا

حنا حزامك والوعد قدام يالحر العديم
اضرب بنا جمع الخصم مانكسر النظره ورا

صرّح ومشّ اخصامنا على الصراط المستقيم
والي درا بحضورنا علم به الي مادرا

يعوضك الله يامنافسنا بجنات النعيم
الجرح منا ياطويل العمر يبطي مابرا

شتت شملهم يامبارك وانعش القلب السقيم
تكاتفو لكن تكاتفهم على الزور اجهرا

ياويلكم ياهل النوايا السود من حر الجحيم
اللي على الخونه مضرّا لا غرابه لا ضرا

الحر تكفيه الاشاره لكن افهم يافهيم
القل يلحقك الضعافه والمهونه والزرا

الي يحاول بالحيل ياخذ مكانتنا غشيم
حنا ذيابٍ من يحاربنا يحاربه الكرا

لكن ترا الصيهد يبي يفرق غريم من غريم
ارض المعارك والتحدي والتنافس والمرا

ارض الصياهد زلزلو كيانها ترثة مظيم
منقيتين ماهيب منقيتن وحده ترا

معنا اشهوانين من اهل المجد والساس القديم
وريث فرسان وشداد وبيت شيخه وومرا