في شف سود | نياف تركي & راشد الغرينيق - 2025 حصرياً

كلمات الشاعر ::
راشد الغرينيق













اداء المنشد ::
نياف تركي













تصميم ::
لطام الدوسري










…

طلب التصميم اتواصل وتساب مباشر👇🏻:

‏https://iwtsp.com/966533088591
-

سنابي حياكم الله .

‏  / pw4u56i1  

. . . . .

الكلمات ::

ياعلي ياجزل الفعل موفي الكيل
تاج المديح وفخره وصولجانه

اخوي وحزامي وصفوة هل الجيل
والشاعر واللي فالمواقف تكانه

قم حط فاللكزس شناط المعاميل
خوّتك مكسب يارفيع المكانه

شفقً على المسرى وانا بأول الليل
مع درب ماهو مغلقً للصيانه

للديرة اللي جعلها صادق السيل
تنشي مخاييله ويرخي عنانه

قد له شهر وبله عليها هماليل
والخير مقبل ما بعد فات اوانه

في شف سودً من غلاها مجاليل
ما فيه قفرً ما انزلت في بيانه

الها نذلل روس الاموال تذليل
وهلالها فالخوف يعطي حصانه

يالله يا عاين نبيّك اسماعيل
على بناء بيتك وعزّيت شانه

يامرسلً على ابرهه طير ابابيل
يامن جعلت النيل بأرض الكنانه

تجعل معي حيله وتجعل معي حيل
والشعر عند الشاعر الفذ امانه

ورثً لنا محفوظ من جيلً لجيل
نبقى هله ونعزه من الاهانه

ماعندنا زور ومنافق وتطبيل
ومجنّب الاسناع ننهي كيانه

نحيا رياجيلً ونفنا رياجيل
اهل الشموخ المنفرد والرزانه

مانشرب الا الاول من الفناجيل
بننً يخالط ذاعره زعفرانه

وانا حفيد مطوّعة قرّح الخيل
ضرفاسيً للعز يسرج حصانه

مكانتي عدّت على الجدي وسهيل
ولا الردي يبطي وهو في طمانه

الصعب له لاقمت ياتي تساهيل
اقراء عليه وينتهي عنفوانه

واليا يشيل الحقد في خافقه شيل
ما غرّني لوكان تضحك ثمانه

ما للردي حولي مكان ومداهيل
من فضل ربي لي مقام ومكانه

في مامضى والحاضر وفالمقابيل
العز قسمي من نوادر اسمانه

عن رفقة الناقص وعن شلة القيل
حطّيت حاجز معظمه خيرسانه

شبحي سماء مايلحقه حدّ دربيل
والطيّب الطيّب وسيعً بطانه

واخواني زحول الرجال المشاكيل
ياسعد منهم فالشدايد اخوانه

كل ابلجً فالموقف الحرج حلحيل
اثقال روز وفالصعيبه تكانه

عيال عودً له مهابه وتبجيل
النادر الزيزوم عنتر زمانه

يمينه اكرم من غزير المخاييل
وان واجه الحاكم تطيح الميانه

ارسى من ابانات وابين من سهيل
وإلى قدم فالكايد الله عانه

مثّل بني عمه بالافعال تمثيل
والمخطيه ماهي تجي من لسانه

كم من حبيسً فالسجن يشكي الويل
يظهره من فضل الولي وامتنانه

ماجى لربع افعال ابي كل ما قيل
عسى الله يسكنهْ عالي جنانه

. . . . .

من فضلك : اشتراك 🔔 Subscribe - لايك Like
فعل الجرس 🛎 ليصلك كل جديد

تصميم : لطام الدوسري
______________________

للتواصل والاستفسارات :
الحسابات الرسمية لـ قناة لطام الدوسري .

‏SNAPCHAT : la-t2l


‏Whatsapp : ‭0533088591


—
#نياف_تركي