Edicioni i Lajmeve Tv Klan 7 Dhjetor 2025, ora

Lajme, #edicioniinformativ ora 19:30, 7 dhjetor 2025 #TvKlan #klanlajme

Spiker: Reis Çiço

Headlines

Rama: Pezullimi i Ballukut, nënshtrim brutal i ekzekutivit.
Berisha: Presion ndaj gjyqësorit
Kryeministri Rama thotë se vendimi i GJKKO për pezullimin e Ballukut është “de fakto” një nënshtrim brutal i ekzekutivit, që po sjell pasoja të parikuperueshme në qeverisje. Ndërsa për Berishën, kjo është një tjetër shfaqje presioni ndaj gjyqësorit.

Kroacia mund të padisë Shqipërinë për mbetjet: Adriatiku të shpallet zonë prioritare
Në Kroaci nuk përjashtohet mundësia për të ngritur një padi ndaj Shqipërisë për mbetjet me origjinë shqiptare që pushtuan para pak ditësh bregdetin kroat. Këshilltarët bashkiakë të Dubrovnikut kërkojnë që Adriatiku të shpallet zonë prioritare.

Kapën 3.4 tonë kokainë në Peru; do të trafikohej në Belgjikë nga grupet meksikane dhe shqiptare
Autoritetet peruane, nën drejtimin e DEA-s, kapën një sasi prej 3.4 tonë kokainë me destinacion final Belgjikën. Droga ishte fshehur në një ngarkesë me banane dhe, sipas policisë, ajo do të tregtohej në Europë nga grupet meksikane dhe shqiptare.

Shqiptari arratiset nga burgu i Milanos; hera e katërt që ikën nga qelitë italiane e belge
Një 41-vjeçar shqiptar është arratisur mëngjesin e sotëm nga një burg i sigurisë së lartë në Milano. Taulant Toma kishte prerë hekurat e dritares dhe, me anë të çarçafëve të lidhur, arriti të dilte jashtë. Kjo është hera e tij e katërt që arratiset nga qelitë.

Përfundojnë pa përparime bisedimet SHBA–Ukrainë; shkak, kërkesat territoriale të Rusisë për Donbasin
Kanë përfunduar pa përparime të mëdha bisedimet 3-ditore mes Shteteve të Bashkuara dhe Ukrainës në Florida. Mediat amerikane bëjnë të ditur se shkak për dështimin janë bërë kërkesat territoriale të Rusisë për rajonin e Donbasit.

Kultura arbëreshe jehon në Vatikan; prezantohet tradita e ruajtur ndër shekuj
Prezantohet në Vatikan tradita dhe kultura që arbëreshët kanë ruajtur prej më shumë se 5 shekujsh. Në aktivitetin e organizuar nga Ambasada e Shqipërisë pranë Selisë së Shenjtë morën pjesë diplomatë, studiues dhe përfaqësues të komunitetit arbëresh.

FSHF shpall kandidatët për “Talentin e Vitit”. Mbrëmja gala “Topi i Artë 2025”, në TV Klan
Mbrëmja gala “Topi i Artë 2025” do të zbulojë më 15 dhjetor më të mirët e futbollit shqiptar, në një event që do të transmetohet drejtpërdrejt në TV Klan. Federata Shqiptare e Futbollit publikoi sot kandidatët për “Talentin e Vitit”.

SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/