Иккинчи хотинини рашк қилиб пичоқлаб ўлдирган қотил жинояти изидан | Bir jinoyat izidan

"Бир жиноят изидан" кўрсатуви
"Ўзбекистон" телеканали
Халқимизда "Ёмонга ёндошма, яхшидан адашма" деган нақл бор. Бу ибора фақатгина сўз бўлиб қолмай, балки одамларнинг кундалик ҳаётида йўл-йўриқ бўлиб хизмат қилади. Унинг мазмуни шундаки, инсон ҳулқи бузуқ, урушқоқ, зўравон, бошқаларга озор берувчи, ёмон ниятли ва ўз манфаатини устун қўядиган одамлардан узоқ бўлиши керак. Чунки бундай кимсаларнинг таъсири кўпинча жамият ва шахс ҳаётига катта зарар келтиради. Ҳаётий тажрибалар шуни кўрсатадики, "ёмонни яхши бўлди деб суюнма" деган ҳақиқат ҳеч қачон ўз аҳамиятини йўқотмайди.
Бир аср муқаддам маърифатпарвар адибимиз Маҳмудҳўжа Беҳбудий жамиятда билимсизлик, маърифатсизлик ва лоқайдликнинг фожиавий оқибатларга олиб келишидан оғох этган эди. Унинг асарлари жамиятнинг маънавий юксалишига чақирувчи сигнал бўлган. Аммо афсуски, бугунги кунда ҳам жаҳолатнинг турли кўринишлари кузатилмоқда. Масалан, ўз фарзандларига азоб бераётган баъзи ота-оналар ёки ўз ота-онасини ташлаб қўяётган, ҳатто уларни ҳақорат қилиб қийнаётган фарзандларнинг қилмишлари ҳали-ҳануз учраб турибди.
Фожианинг илдизини ўрганганда эса билимсизлик, ичкиликка берилганлик, маънавиятсизлик ва эътиборсизликнинг ёмон оқибатларга олиб келаётгани кўринади. Буларнинг барчаси нафақат бир оила, балки жамиятнинг барча қатламлари учун катта таҳдиддир.
Шундай экан, биз бу каби ҳолатларни олдини олиш учун маънавий юксалишга ва маърифатга алоҳида эътибор беришимиз лозим. Ҳар бир инсон ўзини ва яқинларини яхшилик сари етаклашга интилиши, ёмонликдан узоқ бўлиши зарур. Фақат шундагина жамиятда ҳақиқий барқарорлик ва фаровонликни таъминлаш мумкин бўлади. "Ёмонга ёндошма, яхшидан адашма" деган ўгит ҳар биримизнинг ҳаёт йўлимизда маяк бўлиб ёриғи билан йўл кўрсатиши керак.