Notasi Gendhing Bedhayan Udan Soré, Ldr Peksi Kuwung, Ktw Saraswati Sl.6 Karawitan RRI Surakarta,

Gendhing Bedhayan Udan Soré kethuk 2 kerep minggah 4 kalajengaken
Ladrang Peksi Kuwung kasambet Ketawang Saraswati trus Ayak-ayakan Sl.6
Karawitan RRI Surakarta.
Kawimbuhan Notasi Gendhing

Cakepan Gd Udan Sore Bedhayan Sl.6
Merong
1. Riris wanci serap suryo
Madyaning wono kaniyoko
Satriyo gung luhur panenggak ing Pandowo
Anenggih dyan Hariyo Werkudoro
Alon hu matur ingkang roko
Prabu Yudistiro
Duh kakang prabu jroning wono

2. Yekti tan ono kamulyan
Nyoto sadelo kapiyarso
Hanggero kang singo singo
Hambaung srenggolo karem amongso jalmo
Eling kakang ratu Drupadi
Tansah margiyuh rino wengi
Karendhet ri bandil
Bebondhotan nyampinge sebit

3. Sirno putri ning Narpati
Merang nangis kawlan asih
Gung nalongso nutuh diri
Enget duk ing nguni reh sirnaning Nagari
Kaduk wani sesukan dhadhu
Ngendro Prastho samengko komplang
Labet kakang Prabu
Dhahat amberung ngaji pupung.

Inggah
1. Hananggapi Prabu Puntodewo maring
Werkudoro yayah esmu ngundomono
Kadang ingsun siro kang rumongso luwih
Dene wona wani taruno amulang kadang wredho
Lir Dewo kang wenang andum kabahagian mring pro titah
Siro kudu eling Titah amung dermo anglakoni
Yayi .... esthining tyas tan anjarak
Kadurhakan ketang nuhoni janji.

2. Lamun siro wruhing gati analiti
Olo becik iku praboting dumadi
Kang mangkono dadyo pandadaring dhiri
Pun kakang tan runtik sanadyan Kurowo nandur serik
Hamung dadi sarono pro Pandhowo kendhang tilar Projo
Marmo darbe trekah cidro jroning podo asesukan
Dhadhu .... sopo cidro kasangsoyo
Lamun kongas yayi arso ngraboso

3. Ha ngendelken dupeh siro gung aluhur
Gagah panggah angadoni ing prang pupuh
Yen mangkono iku ingaran amberung
Singlar ing prajanji lir sudro sayekti kumalungkung
Iku tanpo guno becik yen saranto anarimo
Ing pandum Pangwoso mring Jawoto luhung kang miseso
Jagat .... wauto sang Werkudoro
Dres kang riwe lir jawah wanci sore .

Ldr. Peksi Kuwung
1. Yoto wou
Sumewo ing ngarso Noto
Nenggih Raden Sumantri
Kagyat ingkang mulat
Tinarko Dewo darat
Kadorowekasan sang Sri Arjuno Sosro
Mangkono ngandiko ris

2. Kacarito
Ing dusun Widoro kandhang
Anenggih sang Apekik
Raden Noroyono
Myang sang Dyah Brotojoyo
Miwah Niken Larasati aginem raras
Ing bab sawiji wiji.

Ktw Saraswati
Datan ngawruhi kang tekane tanpo sangkan
Angejo wantah sang Batari Saraswati
Sayekti handayani mekaring sanggyo budoyo
Kalamun kadulu maweh bangkit jroning kalbu
Lelewane sesinome yen cinondro anglamlami
Raras ngarih arih ririh angarah arah
Panjalmane Saraswati