Ата-ананы құрметтемеудің күнәсі қандай? 4-бөлім

(4-бөлімі)

Өзінің ата-анасымен бірге басқаның ата-анасын да құрметтеу әрбір мұсылманға парыз. Өйткені басқаның әке-шешесін құрметтемеу өзінің әке-шешесін құрметтемеумен тең. Ол жайында мынадай хадис бар.

Абдулла ибн Амр ибн әл-Астан (оған Алла разы болсын) былай деген: «Бірде Алланың елшісі (оған Алланың салауаты мен сәлемі болсын): «Үлкен күнәлардың бірі адамның өзінің әке-шешесін балағаттауы», – деді.  Сонда сахабалар: «Уа, Расулалла! Адам өз әке-шешесін сөге ме екен?» – деп сұрады. Сонда ол (оған Алланың салауаты мен сәлемі болсын): «Иә, ол бір адамның әкесін сөгуі арқылы өзінің әкесін сөгеді, шешесін сөгуі арқылы өзінің шешесін сөгеді», – деп жауап берді» (Бұхари, Мүслім, Ахмет, Термези, Әбу Дәуіт риуаят еткен).

материал Қазақстан мұсылмандары Діни басқармасының ресми сайтынан алынды www.muftyat.kz