Mushketai - Жолдар

Жолдар-жолдар...

Жолдар жатыр сан алуан бұралаң,
Қиыр-қыңыр, жалғыз аяқ шұбалаң.
Адамзаттың тарихы құралған,
Сол соқпақпен сан ғасырлар шұбаған.
Дала жолы, қала жолы, дара жол,
Шексіз, шетсіз келешекке барар жол.
Шартарапқа шақырады мұндалап
Бабамыздан салып кеткен сара жол.
Өмір жолы басталады солардан,
Сол жолдармен жетелейді мол арман.
Бұралаңқы, бұлтарыстан адаспай,
Көзін тапсаң жолығады бәрі алдан.
Жолдар-жолдар тірліктегі ән-жырың,
Сол жолдарда өтіп жатыр сан жылың.
Қалар артта жүрген ізің шиыр боп,
Ал алдыңда енді жүрер даңғылың.
Өміріңе сән беретін жолың бұл,
Тек солардың нәр беретін жолын біл.
Өз жолыңды дұрыс таңдап жүре алсаң,
Сені алдан жарқын өмір күтіп тұр.