Eko-Muzeu i Bashkisë Himarë. Historiku i shkurtër në gjuhën Shqip.

Në kuadër të bashkëpunimit trilateral Itali-Shqipëri-Mal i Zi, Fondi Shqiptar i Zhvillimit në bashkëpunim me partnerin shqiptar Bashkia Himarë, ka zbatuar një projekt rajonal në fushën e turizmit duke marr shembull prototipin e Port Muzeut të Tricase.

Projekti, Co.Co.Tour është implementuar si përpjekje për zhvillimin e një forme të re të turizmit, mbi të gjitha synon të sigurojë një zhvillim të zgjuar, gjithëpërfshirës dhe të qëndrueshëm të komunitetit përmes zhvillimit të modelit eko-muze, të përqëndruar në turizmin e komunitetit.

Eko-Muzeu nuk është thjesht një godinë, por një mënyrë e mirë për mbrojtjen, përmirësimin dhe promovimin e trashëgimisë natyrore, kulturore dhe shpirtërore të komuniteteve bregdetare aty ku ato ekzistojnë, me qëllim menaxhimin e zgjuar dhe të qëndrueshëm të aseteve turistike si dhe promovimin e komunitetit bregdetar.

Godina Eko-Muze e Bashkisë Himarë gjendet në Himarë Fshat, Lgj. Kambi. Ajo është restauruar duke mundësuar ambjente të dedikuara për të gjithë grupmoshat dhe të pajisura me tekonologjinë e duhur për turistët, komunitetin, bizneset dhe të gjitha palët e interesit. Përparësi i është dhënë aksesismit të ambjentit dhe informacionit turistik nga personat me aftësi të kufizuar.
Kati i parë ka ambjente të dedikuara për turistët vendas dhe të huaj. Aty do të njihen me pasuritë natyrore, kulturore dhe shpirtërore të zonës. Kati i dyte i është dedikuar Bashkisë Himarë, studentëve dhe nxënësve, si dhe palëve të tjera të interesit.

Projekti është bashkëfinancuar nga Bashkimi Evropian në kuadër të Instrumentit të Asistencës së Para-Aderimit (IPA II).

Disclaimer: The contents of this publication are the sole responsibility of the expert and can in no way be taken to reflect the views of the European Union.