Raat Bhari Huri Chalyo (रातभरि हुरी चल्यो)... Full Story... Recitation.. CBSE, Class -X
Автор: Biren Rai Official
Загружено: 2023-07-24
Просмотров: 2296
रातभरि हुरी चल्यो - इन्दबहादुर राई
१)’रातभरि हुरी चल्यो’ कस्तो कथा हो ?
उत्तर- सामाजिक यथार्थवादी कथा ।
२)' रातभरि हुरी चल्यो' कथामा हामीले कस्तो-कस्तो हुरीको चित्रण पाउँछौं?
उत्तर- प्रस्तुत कथामा हामीले दुई प्रकारका हुरीको चित्रण पाउँछौं। एकातिर प्राकृतिक (Naturally) रूपमा आएको हुरी-बतासको चित्रण पाउँछौं भने अर्कोतर्फ यस कथाको भुक्तभोगी पात्राद्वय कालेका बाबा र आमाको मनमा प्राकृतिक रूपमा आएको हुरी-बतासले सृजना गरेको डर, त्रास, चिन्ता, पश्चताप औ रीसको हुरीको पनि चित्रण पाउँछौं।
३) 'रातभरि हुरी चल्यो' कथामा कथाकारले के सन्देश दिन चाहेका छन्?
उत्तर-प्राकृतिक आपद्-विपद् जुन सुकै ठाउँमा पनि आउँन सक्छ-चाहे गाउँ होस्-चाहे शहर होस्;जहींकहींका मानिसहरूले पनि प्राकृतिक आपद्-विपद्हरूको सामना गर्नु पर्ने हुन्छ तर प्राकृतिक आपद्-विपद्हरूको आयो भनेर भागेर होइन, हिम्मत राखेर कसरी हुन्छ त्यसको सामना गर्दै जीवनप्रति सदैव आस्थावान् भएर, आशावादी बनेर जिउँन सक्नुपर्छ भन्ने सन्देश दिनुभएको छ कथाकारले यस कथामा।
४) "बडा बारी गर्ने भइस्! ठूलो भाग खालिस्।उ अझै फतफतायो रीसले।"
क) उक्त गद्यांश भएको पाठ सहित रचनाकारको नाम लेख्नुहोस्।
उत्तर:- उक्त गद्यांश भएको पाठको नाम ‘रातभरि हुरी चल्यो' अनि रचनाकारको नाम हो – इन्द्रबहादुर राई ।
ख) बारी गर्नु भनेको के हो?
उत्तर:- बारी गर्नु भन्नाले कृषि तथा खेतीपाती गर्नु बुझिन्छ।
ग) उक्त भनाईको वक्ता को हुन्?
उत्तर:- कालेको बाबा।
घ) यहाँ 'उ' पात्र रीसले फतफताउनुको कारण के थियो?
उत्तर:-उक्त कथाको ' उ ' पात्र अथवा कालेको बाबा आफ्नी स्वास्नीको जिद्धीको कारणले खेतीपाती तथा गाई-पालन गरेर जीवन धान्ने विचार गरेर शहरबाट पहाडी भेकको आफ्नो गाउँमा बसाइँ सर्छ तर यता गाउँमा दिन-रात हुरी बतास औ झरीले दु:ख दिन्छ उनीहरूलाई। यसैकारण, कालेको बाबाले दिक्क मान्दै आफ्नी स्वास्नीप्रति रीस पोखाउँछ फतफताउँदै।
५) ‘रातभरि हुरी चल्यो' कथाको पात्र/पात्राहरू को को हुन्?
उत्तर- कालेका बाबा र आमा(मुख्य पात्र-पात्राहरू)
काले र उसकी बहिनी, पी.बी. गुरुङ र उसकी श्रीमती, दोरंगा-दोरंगिनी, मोक्तान बाबु (गौण पात्र-पात्राहरू)
६)”हे महाकाल बाबा ! तिमी छौ राख्ने- बचाउने ।“ यहाँ महाकाल बाबालाई पुकार्ने व्यक्ति को हुन्? उसले किन महाकाल बाबालाई पुकारेका हुन् ?
उत्तर- यहाँ महाकाल बाबालाई पुकार्ने व्यक्ति कालेको बाबा हुन् । रातभरि आएको त्यो हुरी बतासदेखि आतंकित भएर (डराएर) उसले महाकाल बाबालाई पुकारेका हुन्।
७) आफूले कस्तो निर्णय गरेपछि कालेकी आमाको मनमा ढुक्क लाग्यो?
उत्तर- दूध बेच्न बजार जाने क्रममा कालेकी आमाले गाउँमा भएको घर, गोठ, गाई-वस्तु, रूख-पात, जमीन सबै बेचेर फेरि बजारमा भाडाको कोठामा बस्ने, आफूले चाहिँ ठूलीकी आमाले जस्तो सब्जी-पसल थाप्ने, अनि आफ्नो लोग्नेलाई चाहिँ चौकीदारको काम नभए बढई काम गर्न लाउने साथै छोराछोरीलाई बजारकैमा पढाउने निर्णय गर्छिन् मनमनै । यस्तो निर्णय गरिसकेपछि का आमाको मनमा ढुक्क लाग्यो।
८)कालेकी आमाले बजारमा कसलाई कोठा हेरी मागिन् ?
उत्तर- कालेकी आमाले भुजा पसलमा फूल मिठाई किन्न आएकी एक जना आइमाईलाई बजारमा कोठा हेरी मागिन् ।
९)पी.बी. गुरूङको कहाँ केको पसल थियो?
उत्तर-पी.बी. गुरूङको लेडेनला सडकमा ड्राइ क्लिनको दोकान थियो ।
१०)पी.बी. गुरुङकी श्रीमतीको मृत्यु कसरी भयो?
उत्तर- रात्रीको हावापानीमा बिरालो खोज्न बाहिर जाँदा चप्पल चिप्लिएर लडेर पी.बी. गुरूङकी श्रीमतीको मृत्यु भयो।
११) “जाबो बिरालोले गर्दा पो रैछ त! कालेकी आमाले बिस्तारै भनी”- जाबो बिरालोले गर्दा के भएछ?
उत्तर:- जाबो बिरालोले गर्दा पी.बी. गुरूङकी श्रीमतीको लडेर मृत्यु भएछ ।
१२)कालेकी आमाले शहर छोडेर किन गाउँमा बसोबासो गर्ने निर्णय लिइन्?
उत्तर- कालेको बाबा शहर बस्दा पुलिसको काम गर्थ्यो तर बढ्दो महंगाईमा उसको एक्लो कमाइले आफ्नो परिवारको गुजारा चलाउनु एकदमै हम्मे- हम्मे परिरहेको थियो।यसैले, गाउँमा भएको दुई ऐकर जत्ति जमीनमा खेतीपाती औ गाईवस्तु पालन गरेर जीविका चलाउने उद्देश्यले कालेकी आमाले शहर छोडेर गाउँमा बसोबासो गर्ने निर्णय लिइन् ।
१३)शहरमा बस्दा कालेको बाबाले के काम गर्थ्यो?
उत्तर:- पुलिस काम गर्थ्यो।
१४) प्रस्तुत कथामा निनीकी आमा भनेर कसलाई चिनिन्छ?
उत्तर:- पी. बी. गुरूङकी श्रीमती।
१५) “तेरै जिद्धीले यस्तो ठाउँमा घर बनाको”- यहाँ कसको जिद्धीले कहाँ घर बनाउने काम भएको छ ?
उत्तर:- यहाँ कालेकी आमाको जिद्धीले पहाडी बस्तीमा घर बनाउने काम भएको छ।
१६)कालेकी आमाले कथाको अन्तमा के गर्ने विचार गरेकी छे? किन?
उत्तर:- कालेकी आमाले कथाको अन्तमा फेरि गाउँ-बस्तीमा नै बसेर आफ्नो घर बारी स्याहार्ने विचार गरेकी छे किनकि जब उसले हुरी-बतासको कारणले पी.बी. गुरुङकी श्रीमतीको मृत्यु भएको खबर सुन्छिन् तब उसलाई ज्ञात हुन्छ कि प्राकृतिक आपद- विपद त जहीं पनि आउँदो रहेछ- चाहे गाउँ होस्- चाहे शहर- कोही पनि अक्षुण्ण छैन रहेछ ।
१७) प्रस्तुत कथामा निनीकी आमा भनेर कसलाई चिनिन्छ?
उत्तर:- पी.बी. गुरुङकी श्रीमती ।
कथा विश्लेषण तथा सम्भावित प्रश्नहरूका लागि निम्न भिडियो हेर्नुहोस्:-
• Raat Bhari Huri Chalyo(रातभरि हुरी चल्यो)-...
• Raat Bhari Huri Chalyo.... Possible Questi...
Доступные форматы для скачивания:
Скачать видео mp4
-
Информация по загрузке:
