Գյուղ Թթուջուր Ttujur Ттуджур HD 1080
Автор: Gevorg Arzumanyan
Загружено: 2015-05-30
Просмотров: 181507
Ֆիլմի նպատակն է ցուցադրել ադրբեջանական սահմանից 1կմ հեռավորության վրա գտնվող այս գյուղի տեսարժան վայրերը, չքնաղ բնությունն ու գյուղացիների առօրյան: Երկնքի կապույտից կախված վեհապանծ լեռներ: Նրանցով շրջապատված մի փոքրիկ հողակտոր, ու այդ գողտրիկ վայրում ծվարած մի ժողովուրդ՝ խրոխտ արծվի պես այդ լեռներին կառչած: Արցախյան պատերազմի տարիներին , գյուղը, բազմիցս ենթարկվել է ռմբակոծությունների, սակայն մնացել է կանգուն: Երբեմն թյուր կարծիք է ձևավորվում, որ սահմանամերձ գյուղերում կյանքը կանգնած է, անհետաքրքիր և վտանգավոր: Սակայն ֆիլմի նկարահանման աշխատանքների ժամանակ հասկացա, թե որքան գեղեցիկ է օրը անցնում Թթուջուրում, որքան բարի, պարզ և հյուրընկալ են մարդիկ այստեղ: Սակայն գյուղի հիմնական մասը մեկնել է արտագնա աշխատանքի: Այս ֆիլմով ցանկանում եմ կոչ անել մարկանց չլքել իրենց հայրենի գյուղը, ովքեր էլ որ լքել են, թող որ մի օր վերադառնան և շենացնեն այն:
Գյուղի ամեն մի բնակիչ մշտարթուն հսկում է հայրենիքի՝ իրեն բաժին ընկած սահմանն ու այս հատվածում հակառակորդին թելադրում խաղաղություն:
Թթուջուր գյուղը Ճամբարակի տարածաշրջանի գյուղերից է, գտնվում է Ճամբարակից 6կմ հարավ-արևելք, Գետիկ գետի ափին: Մինչև 1924 թ. 2 գյուղերը՝ Ներքին ճամբարակն ու Թթուջուրը միացյալ են եղել: 1924 թ. պետության որոշմամաբ, գյուղերը առանձնացրել են:
Գյուղը գտնվում է Ճամբարակ-Բերդ և Ճամբարակ-Իջևան հանրապետական նշանակության ավտոճանապարհների խաչմերուկում: Գյուղացիների հիմնական զբաղվածությունն անասնապահությունը, հողագործությունն ու մեղվապահությունն է: Գյուղում կա հանքային ջրի աղբյուր, որից էլ ծագել է գյուղի անունը:
Հանդիսանալով ֆիլմի թե՛ ռեժիսորը և թե՛ օպերատորը, ինձ համար ավելի հեշտ էր կադրերի ընտրությունը, քանի որ ստեղծագործելու և սեփական միտքը կադրի վերածելու ճանապարհին խոչընդոտների չէի հանդիպում:
Նկարահանումները տևել են 3 օր: Աշխատել եմ այնպես, որ կադրերի կոմպոզիցիոն լուծումները չխանգարեն գյուղի իրական համայնապատկերը փոխանցել դիտողին:
Ի սկզբանե որոշել էի ներկայացնել գյուղի խնդիրները, նկարահանել էի ավերված մանկապարտեզն ու դպրոցը: Սակայն գեղեցիկ բնությունն ու թթուջուրցիների դրական միջավայրն ինձ ստիպեց, որ մի գեղեցիկ պատմություն ստեղծեմ իրանց կյանքից: Ի վերջո խնդիրները վաղ, թե ուշ կլուծվեն, իսկ գեղեցիկը հավերժ է :
Քանի որ տեխնիկապես այնքան էլ զինված չէի, մտահաղացումից իրականացում ընկած ճանապարհին խնդիրներ նույնպես առաջ էին գալիս՝ կապված լուսավորության և ձայնագրման հետ: Այնուամենայնիվ ֆիլմը պատրաստ է և այն սիրով ներկայացնում եմ ձեր դատին:
Доступные форматы для скачивания:
Скачать видео mp4
-
Информация по загрузке:
