任白 靚版牡丹亭驚夢之幽媾 - 雙星恨 ( Part 1)

（麗娘一笑掩唇橫波一顧柳生，即起雙星恨譜子逐級下芳苑，倚芭蕉樹下，低頭玩弄絳紗介白）你落黎啦。
（夢梅跟住梯畔食住譜子自言自語介白）唉呀，本來，佢不明來歷，我應該要避之則吉，不過你睇下佢，你睇佢意態撩人，斜倚在芭蕉樹下，輕弄絳紗，真係好容易令人心......心生綺念架，唔得，我要問真下你至得，小姐（雙星恨）月裡仙降凡塵，佢輕弄絳紗，輕弄絳紗，莫非冷煙蔽月華，她，雨中竟自迷途迷途錯歸家。
（白）你係唔係呀？
（麗娘搖頭介接唱）我寄寓寄寓在柳陰下，悲風霜乞片瓦。
（夢梅上前一揖介接唱）我非關有意有意苦追查，夜半荒齋欠奉茶，你莫借西廂送葯茶，我借盞秋燈你小心歸去罷。
（麗娘搖頭介接唱）唉，嘆惜我命如霧裡花，杜麗娘未有家泣孤寡。（白）我......我無家可歸既。
（夢梅愕然食住序白）哦，原來你連家都冇架？世間女子焉有無家之理架，呀，我知啦（續唱）莫非天仙姐姐你愛我瀟洒，偷偷降落柳生衙，可惜我一介潦倒潦倒既寒儒怕有偏差。（作不敢介）
（麗娘苦笑搖頭介白）你錯叻（續唱）既屬有夢鑄佳話，當管不了月夜，月夜叩奔君家，我慕君風華，我愛君風華，盼君泣月下，屈居柳陰受霧雨打，盼蝶來活了解語花（哭介）
（夢梅愕然介白）小姐，點解你忽然又淚隨聲下架。（接唱）佢泣訴多風雅，悲逝水韶華，呀，你欲仿效情花再萌芽（白）小姐，你是否係文君新寡？
（麗娘白）唔係（續唱）貞花未嫁架（覺羞）
（夢梅驚喜介白）呀，你未嫁架？
（麗娘續唱）我獨處深閨未嫁架（但唱至此應步至衣邊角樹）
（夢梅接唱）既是天仙天仙未嫁，哎呀亦緣也，咁就福份也（欲親近又不敢介）哎呀，想落心中驚怕，心中驚怕，點解會相見焦樹下。
（麗娘一笑接唱）君心休怕，君心休怕，君不記你揖拜仙觀下，風吹飛花有心報與君，在佛前為你洒，致令郎拾去我丹青畫。
（夢梅尚帶驚介白）咁到底你從何而來架？（麗娘白）公子，你何必疑雨疑雲，驚風怕雨唧......丹青畫丹青畫......我生於畫中，當然係來自畫中啦。
（夢梅白）來自畫中？莫非你就係畫裡真真？
（麗娘白）你睇真下。
（夢梅白）我對真下。
（夢梅急上小樓取真容復下向麗娘三對狂喜介）
（麗娘白）係唔係呀？
（夢梅白）哦，真係噃。
（麗娘笑介續唱）咁真與假呢？
（夢梅接唱）確未有差。（麗娘接唱）祗係腰瘦減，
（夢梅接唱）一般貌似花，丹青仙姿兩瀟洒。
（麗娘接唱）被冷煙冷煙蓋玉顏，銷毀了鉛華，驟降丹青價咯。
（夢梅情狂接唱）鴛鴦帳裡同夢去囉（擁麗娘）
（麗娘羞介閃開接唱）又怕冰肌凍著了郎又怕。
（夢梅接唱）唔怕，唔怕（一才收打二更介）
（麗娘更羞接唱）我又怕，又怕，聽二更斷續了兩三下。
（夢梅拖麗娘絳紗介接唱）怕月照香衾，且閉窗莫理他（欲拖麗娘上小樓介）
（麗娘慢的的百感牽懷，微微搖頭飲泣介白）唉呀......相公......柳郎......公子......