مهداة لـ صاحب السمو الملكي الامير عبدالعزيز بن فهد آل سعود 🔥 كلمات خالد بن مدعث 🔥 اداء خالد ال بريك

نجم الامجاد
قصيدة مهداة لـ صاحب السمو الملكي عبدالعزيز بن فهد بن عبدالعزيز آل سعود
كلمات الشاعر خالد بن مدعث الدوسري
اداء خالد ال بريك

كلمات الشيلة :

بديت والمبدا صلاة الله على خير البشر
افضل نبي فالانبياء وخير البريه فالبرا

عليه صلى الله وسلم عد من غاب وظهر
واللي سبح واللي مشى واللي سرح واللي سرا

اما بعد .. لله در الضلع لو انه صخر
ياخذ عن المحزون من شي يرا ما لا يُرا

ولله در الشاعر ودر المشاعر والشعر
على مقال عنده الانفس تباع وتشترى

ولله در المعرفه والحنكه وبعد النظر
من كن فيه يكون امير او يحسب حساب اومرا

ولله در اللي لهم عبر الزمن بصمه واثر
ومجدً مورث كابر عن كابر والله اكبرا

وفي كل ما يروى وما ينقل وما جاء في الخبر
اللي صحيح يصح واللي ما يصح الافتراء

وانا مطوقني جميل ما يوفيه الشكر
حتى ولو غنى بمعروفه حمام ام القرى

ثوب القصيد اضوق على الشاعر من عيون الوبر
اليا تخلخلته ضفا واليا فتقناه انفرى

والمدح في عبدالعزيز ابن الفهد ماله عذر
ماشرف الامداح مثل اسمك وذكرك لاطرا

وان ما شكرتك يا طويل العمر مت من القهر
الطيب والمعروف كسرة عودً تشم وترا

والمجتهد عذره من الله ثم من طويل العمر
ما يدركك من يقتفي دربك مشى ولا جرى

ان قلت وان ما قلت فيك القول نقطه في بحر
ما يبلغ امجادك فصاحة يعرب وسحر شعرا

الله جمع فيك النوايا البيض والموت الحمر
مكارم مهيب في كسرى ولا في قيصرا

على يدك تجري مقادير اليسر عقب العسر
واللي خلقك استعملك للناس تفريج وذرا

مالك قرين من عيال البطن وعيال الظهر
ولا فيه يمناً فوقها جودً مثل جودك جرا

ان كان عين الجود حاتم فأنت للعين البصر
وان كان للامجاد نجم انت المجر النيرا

لو فاخر الجن البشر تكفي البشر عز وفخر
فيك اتمثل صورة الاسلام باجمل مضهرا

ابوك ابن صقر الجزيره وانجبك يا اطيب صقر
ومن وين ما يممت لك لقيت مسك وعنبرا

ما قط جاك احد وعود منك ويدينه صفر
ما قلت غير ابشر عساك بما تحب مبشرا

اخير واطيب من فزع على معاوين الدهر
وارحم من اتطاف وسعى على يتامي وفقرا

واكرم من انفق تحت جنح الليل واسر وستر
عن ما صنع ما يدري الا الله وغيره ما درا

والين جناب من الندى والطل من عقب المطر
واقسى من الفولاذ واسطى من العديم الاشقرا

واعز من قال وفعل ويقول ويطول ونصر
واسخى سخي فالاسخياء يمشي على وجه الثرى

ابوك يوم ام المعارك ولعت نار وجمر
جناحً يضم العرب وجناح يرد البرا

ما جابن الخفرات مثله فالنداره والظفر
ولا انجبن مثله ملك ولا انجبن غضنفرا

لكن ما يبقى بشر طال الزمن ولا قصر
وتفنى ملايكة السماء ولا مع الله خشرا

..
للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
  / a_thane2  

‏Official Twitter :
  / a_thane2  

‏Official Instagram :
  / a_thane2  

ـــــــــــــــــــ