【士多小店】爆紅蝴蝶酥之秘密㊙️

【士多小店】爆紅蝴蝶酥之秘密㊙️
.
蝴蝶酥，小至街坊麵包店，大至星級酒店都會做，但偏偏Valerie呢間情侶小店出品嘅蝴蝶酥，沒有宣傳，開業至今短短6 年間，已經賣出超過十萬盒。創辦人Tracy同阿Yam，每日喺工場做12個鐘 💦，好似聖誕同農曆新年嘅高峰期，更要喺工場瞓。「放假？無假放呀！」Tracy苦笑。
.
Tracy，科大讀工商管理，沒有正式學過烹飪，大學畢業後貿然走入廚房打工去。Yam，中三輟學， 一直做廚房師傅仔 。兩個人因食物而相愛 💑，一齊捱，由低做起，最後自己開網上餅店Valérie，總算捱出頭。💪🏼
.
【傳奇誕生🦋】🛒 ：http://bit.ly/2M2Vo9W
開業後兩年，有一日Yam 提議整蝴蝶酥。「點解？因為我鍾意食酥皮類嘅嘢囉。」Tracy甜笑。❤️
就咁，Valerie嘅傳奇皇牌蝴蝶酥就誕生。
.
雖然Tracy做過米芝蓮星級⭐️餐廳，喺置地文華酒店餅房做咗一段頗長時間，但佢話最初要做蝴蝶酥都有一定難度。
.
「最初都試過唔係好成功，因為酥皮儲存溫度🌡掌握得唔好，都經過咗幾個月反覆研究，先拿捏到技巧。」
.
喺無咩宣傳、單係靠口碑嘅情況下，Valerie 嘅蝴蝶酥爆紅。💥
「做咗幾批出嚟開始賣反應好好，好多客同我哋講：喂，呢個好食喎，我想再買。就算經過一段長時間，反應係一路咁樣上升，無話一股熱潮就無咗。」
.
【好味嘅秘密】㊙️
伙計因工作同為食關係，都食過好多品牌嘅蝴蝶酥，Valerie 嘅出品的確係一層一層，入口鬆化，唔會死實實，有淡淡牛油香，甜度適中，就算食多幾塊都唔會覺得好膩。😋
.
「點解？其實材料唔同，就已經差好遠。我哋嘅蝴蝶酥最大分別係，牛油香味。我哋用嘅紐西蘭牛油，成本比起一般餅店用嘅貴2-3倍，麵粉係無漂美國小麥麵粉，糖就選用韓國糖。其次就係焗嘅方法，我哋係會焗兩次，焗嘅時間同一般做法都唔同。」但至於點樣唔同，Tracy就話係商業秘密，唔可以講喇。
.
「不過，有好多人話我哋（蝴蝶酥）唔係好甜，其實就係細節位，好似糖嘅份量點拿捏。整個過程都keep住用好適量嘅糖，有唔太多。好多細節要調整。」至於點樣調整，不如去片📹 睇吓Tracy 點講。
.
一個小小嘅蝴蝶酥，成就Tracy同阿Yam一個甜美 💑嘅成長，帶領佢哋實現二人嘅夢想：#Sharethesweetness. #Tastethelove 。
想品嚐呢個傳奇蝴蝶酥，即去士多買啦🛒 ：http://bit.ly/2M2Vo9W

#我撐香港製造 #蝴蝶酥 #二人同心
#新春喜士多
#士多 #ztore #士多一種選擇 #士多點欣賞