Shije Shtëpie - Byrek me mish të grirë dhe qepë nga Znj. Vjollca - Tv Klan

#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.

Për brumin:

500 gr miell

250 ml ujë

2 lugë gjelle vaj

Kripë

Niseshte për hapjen e petëve

Mbushja:

500 gr mish të grirë (viçi)

3-4 qepë

2 thelpinj hudhër

3 domate

3 lugë gjelle oriz

Kripë + piper të zi

1 lugë çaji nenexhik i thatë

Vaj ulliri

Fillimisht përgatisim brumin duke vendosur në një tas të madh miellin. Hapim një gropë dhe shtojmë në të ½ e ujit + kripë + vaj dhe fillojmë të përziejmë atë me duar duke marrë pak nga miell. Fillojmë të shtojmë pak nga pak ujin e mbetur duke punuar vazhdimisht përbërësit derisa të formohet një brumë i lidhur, jo shumë i fortë. E mbulojmë atë me qese dhe e lëmë të pushojë për 30 minuta.

Ndërkohë në një tigan kaurdisim qepën me pak vaj derisa ajo të ulë volumin, të zbehet e të zverdhet pak. Shtojmë mishin e grirë dhe vazhdojmë përziejren derisa mishi të ndryshojë ngjyrë e mos të ketë më lagështirë. Më pas shtojmë hudhrat dhe domatet e qëruara dhe të grira hollë + orizin + kripë + piper të zi.

I përziejmë dhe i lëmë të gatuhen pak, shtojmë ½ gotë ujë dhe e lëmë të ziejnë me qëllim që orizi të gatuhet pjesërisht në fund shtojmë nenexhikun. Marrim brumin dhe e ndajmë në kuleçë të vegjël. I punojmë ato dhe i mbulojmë për 10 minuta. Më pas hapim kuleçët me diametrin e një pjate 15-20cm. I lyejmë 6 prej tyre me vaj dhe i bashkojmë po ashtu dhe 5 të tjera. I bashkojmë me vaj dhe i lëmë mënjanë.

Hapim 6 të parat në një petë të vetme. Lyejmë tepsinë me vaj dhe vendosim petën në të. Më pas hapim 5 petat e dyta të bashkuara. I heqim në një petë të vetme. Shtojmë në petë mbushjen, mbi petën në tepsi e mbulojmë me petën e hequr, lyejmë sipërfaqen me vaj. Kthejmë anët dhe vendosim tepsinë në furrë në temperaturën 200 gradë për 40 minuta. Pasi të piqet e lëmë të ftohet, më pas e presim në copa dhe e shërbejmë.

SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/ #Receta#ZonjaVjollca#KaterinaTrungu