ប្រសាសន៍ដើមទាំងស្រុង លោក ស៊ុន ចាន់ថុល ក្នុងវេទិការាជរដ្ឋាភិបាល-ផ្នែកឯកជន

[ផ្សាយឡើងវិញ] ប្រសាសន៍ដើមទាំងស្រុង លោក ស៊ុន ចាន់ថុល ក្នុងវេទិការាជរដ្ឋាភិបាល-ផ្នែកឯកជន អបអរសាទរខួប ២៥ឆ្នាំ នៃកិច្ចសន្ទនា ភាពជាដៃគូ និងកំណែទម្រង់

នាថ្ងៃទី២៧ ខែវិច្ឆិកា ឆ្នាំ២០២៥ ក្រុមប្រឹក្សាអភិវឌ្ឍន៍កម្ពុជា (ក.អ.ក.) សហការជាមួយសភាពាណិជ្ជកម្មកម្ពុជា បានរៀបចំសិក្ខាសាលាកម្រិតខ្ពស់មួយ ដោយមានការគាំទ្រពីប្រទេសអូស្ត្រាលី ដើម្បីផ្សព្វផ្សាយរបាយការណ៍វឌ្ឍនភាពស្តីពីការ អនុវត្តវិធានការកែទម្រង់មុតស្រួចជាកញ្ចប់ដែលបានដាក់ចេញក្នុងវេទិការាជរដ្ឋាភិបាល-ផ្នែកឯកជន (G-PSF) លើកទី១៩ ប្រចាំឆមាសទី១ ឆ្នាំ២០២៥ និងចូលរួមអបអរសាទរខួប​ ២៥ឆ្នាំ នៃការបង្កើតវេទិកាកម្រិតខ្ពស់បំផុត របស់កម្ពុជាសម្រាប់កិច្ចសន្ទនារវាងរាជរដ្ឋា-ភិបាល និងផ្នែកឯកជន។ វេទិកាG-PSF ត្រូវបានបង្កើតឡើងក្នុងឆ្នាំ ១៩៩៩ ក្រោមគំនិតផ្តួចផ្តើមប្រកបដោយគតិបណ្ឌិតរបស់ សម្តេចអគ្គមហាសេនាបតី តេជោ ហ៊ុន សែន អតីតនាយករដ្ឋមន្ត្រីនិងបច្ចុប្បន្នជាប្រធានព្រឹទ្ធសភានៃព្រះរាជាណាចក្រកម្ពុជា ដើម្បីលើកកម្ពស់ការ អភិវឌ្ឍវិស័យឯកជននិងការស្តារសេដ្ឋកិច្ចឡើងវិញក៏ដូចជាការផ្តល់លទ្ធភាពឱ្យវិស័យឯកជនក្លាយជាកម្លាំងចលករនៃកំណើនសេដ្ឋកិច្ច។

សិក្ខាសាលានេះ ត្រូវបានរៀបចំឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក.អ.ក. និងជាប្រធានគណៈកម្មាធិការសម្របសម្រួលការងារសម្រាប់ យន្តការវេទិការាជរដ្ឋាភិបាល-ផ្នែកឯកជន (គ.ស.រ.ជ.) និងដោយមានវត្តមានចូលរួមជាអធិបតីពីសំណាក់អ្នក ឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណគណៈកម្មាធិការសម្របសម្រួលក្រុមការងារ ផ្នែកឯកជនសម្រាប់យន្តការវេទិការាជរដ្ឋាភិបាល-ផ្នែកឯកជន, ឯកឧត្តម ដេរិក យីប ឯកអគ្គរដ្ឋទូតអូស្ត្រាលី ប្រចាំព្រះរាជាណាចក្រកម្ពុជា, ឯកឧត្តម ប៉េង ពោធិនា រដ្ឋមន្ត្រីក្រសួងសាធារណការនិងដឹកជញ្ជូន និងឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា។ សិក្ខាសាលានេះ ក៏មានការចូលរួមពីតំណាងក្រុមការងារ រាជរដ្ឋាភិបាលនិងផ្នែកឯកជននៃវេទិកា G-PSF ទាំង ១៦, សភាពាណិជ្ជកម្មកម្ពុជា, ស្ថានទូត, សភាពាណិជ្ជកម្ម អន្តរជាតិ, សមាគមធុរកិច្ច និងដៃគូអភិវឌ្ឍន៍នានា សរុបចំនួន ២៥០នាក់។

#kampucheathmeytv #economy

Follow Kampuchea Thmey TV for more:

Facebook:   / kptdaily  
Telegram: https://t.me/kampucheathmeytv
Tiktok:   / kampuchea_thmey_daily