Asrarul Haq Majaz Poetry - Ab Mere Paas Tum Aayi Ho To Kya Aayi Ho - BEST URDU POEMS OF ALL TIME

Urdu Poetry of Asrar ul Haq Majaz Lucknawi
Poem (Nazm): Aitraf
Recitation: Raheel Farooq

اب مرے پاس تم آئی ہو تو کیا آئی ہو

مجازؔ لکھنوی کی اردو شاعری
نظم: اعتراف
شاعر: اسرار الحق مجازؔ لکھنوی

---------

LEHJA - A CLASSIC URDU POETRY CHANNEL

Lehja (لہجہ) is an Urdu literary (adabi) channel on YouTube. We produce recitations (voice over) of the masterpieces of Urdu poetry. Shayari of Asatiza (the greatest poets of Urdu) narrated by Raheel Farooq with classical melodies in the background is an experience people of taste can relish nowhere else. SUBSCRIBE NOW!    / recitation  

LEHJA PODCAST

Listen to Lehja on all major podcast and music streaming platforms including iTunes, Spotify, Deezer, Amazon Music/Audible, Stitcher, iHeartRadio, JioSaavn & Gaana.com.

https://anchor.fm/urdurecitation

LEHJA STORE

Love the classics? Buy the classics!

T-shirts, mugs, tote bags, phone cases and more with Urdu art.

https://teespring.com/stores/urdu

FOLLOW US

Facebook:   / urdurecitation  
Twitter:   / urdurecitation  
Instagram:   / urdurecitation  
Reddit:   / urdurecitation  
Tumblr: https://poetryrecording.com

SUPPORT US

Patronize:   / urdu  

---------

POETRY TEXT:

اعتراف (نظم کا اردو متن):

اب مرے پاس تم آئی ہو تو کیا آئی ہو

میں نے مانا کہ تم اک پیکرِ رعنائی ہو
چمنِ دہر میں روحِ چمن آرائی ہو
طلعتِ مہر ہو فردوس کی برنائی ہو
بنتِ مہتاب ہو گردوں سے اتر آئی ہو

مجھ سے ملنے میں اب اندیشۂ رسوائی ہے
میں نے خود اپنے کیے کی یہ سزا پائی ہے

خاک میں آہ ملائی ہے جوانی میں نے
شعلہ زاروں میں جلائی ہے جوانی میں نے
شہرِ خوباں میں گنوائی ہے جوانی میں نے
خواب گاہوں میں جگائی ہے جوانی میں نے

حسن نے جب بھی عنایت کی نظر ڈالی ہے
میرے پیمانِ محبت نے سپر ڈالی ہے

ان دنوں مجھ پہ قیامت کا جنوں طاری تھا
سر پہ سرشارئ عشرت کا جنوں طاری تھا
ماہ پاروں سے محبت کا جنوں طاری تھا
شہریاروں سے رقابت کا جنوں طاری تھا

بسترِ مخمل و سنجاب تھی دنیا میری
ایک رنگین و حسیں خواب تھی دنیا میری

جنتِ شوق تھی بیگانۂ آفاتِ سموم
درد جب درد نہ ہو کاوشِ درماں معلوم
خاک تھے دیدۂ بیباک میں گردوں کے نجوم
بزمِ پرویں تھی نگاہوں میں کنیزوں کا ہجوم

لیلیٰئ ناز برافگندہ نقاب آتی تھی
اپنی آنکھوں میں لیے دعوتِ خواب آتی تھی

سنگ کو گوہرِ نایاب و گراں جانا تھا
دشتِ پر خار کو فردوسِ جواں جانا تھا
ریگ کو سلسلۂ آبِ رواں جانا تھا
آہ یہ راز ابھی میں نے کہاں جانا تھا

میری ہر فتح میں ہے ایک ہزیمت پنہاں
ہر مسرت میں ہے رازِ غم و حسرت پنہاں

کیا سنو گی مری مجروح جوانی کی پکار
میری فریادِ جگر دوز مرا نالۂ زار
شدتِ کرب میں ڈوبی ہوئی میری گفتار
میں کہ خود اپنے مذاقِ طرب آگیں کا شکار

وہ گدازِ دلِ مرحوم کہاں سے لاؤں
اب میں وہ جذبۂ معصوم کہاں سے لاؤں

میرے سائے سے ڈرو تم مری قربت سے ڈرو
اپنی جرأت کی قسم اب مری جرأت سے ڈرو
تم لطافت ہو اگر میری لطافت سے ڈرو
میرے وعدوں سے ڈرو میری محبت سے ڈرو

اب میں الطاف و عنایت کا سزا وار نہیں
میں وفادار نہیں ہاں میں وفادار نہیں

اب مرے پاس تم آئی ہو تو کیا آئی ہو

Aitraf (Full Text of Urdu Poem - Credits: Rekhta):

ab mire paas tum aa.ī ho to kyā aa.ī ho

maiñ ne maanā ki tum ik paikar-e-rānā.ī ho
chaman-e-dahr meñ rūh-e-chaman-ārā.ī ho
tal.at-e-mehr ho firdaus kī barnā.ī ho
bint-e-mahtāb ho gardūñ se utar aa.ī ho

mujh se milne meñ ab andesha-e-rusvā.ī hai
maiñ ne ḳhud apne kiye kī ye sazā paa.ī hai

ḳhaak meñ aah milā.ī hai javānī maiñ ne
shola-zāroñ meñ jalā.ī hai javānī maiñ ne
shahr-e-ḳhūbāñ meñ gañvā.ī hai javānī maiñ ne
ḳhvāb-gāhoñ meñ jagā.ī hai javānī maiñ ne

husn ne jab bhī ināyat kī nazar Daalī hai
mere paimān-e-mohabbat ne sipar Daalī hai

un dinoñ mujh pe qayāmat kā junūñ taarī thā
sar pe sarshāri-e-ishrat kā junūñ taarī thā
māh-pāroñ se mohabbat kā junūñ taarī thā
shahryāroñ se raqābat kā junūñ taarī thā

bistar-e-maḳhmal-o-sanjāb thī duniyā merī
ek rañgīn o hasīñ ḳhvāb thī duniyā merī

jannat-e-shauq thī begāna-e-āfāt-e-sumūm
dard jab dard na ho kāvish-e-darmāñ mālūm
ḳhaak the dīda-e-bebāk meñ gardūñ ke nujūm
bazm-e-parvīñ thī nigāhoñ meñ kanīzoñ kā hujūm

laila-e-nāz barafganda-naqāb aatī thī
apnī āñkhoñ meñ liye dāvat-e-ḳhvāb aatī thī

sañg ko gauhar-e-nāyāb-o-girāñ jaanā thā
dasht-e-pur-ḳhār ko firdaus-e-javāñ jaanā thā
reg ko silsila-e-āb-e-ravāñ jaanā thā
aah ye raaz abhī maiñ ne kahāñ jaanā thā

merī har fatah meñ hai ek hazīmat pinhāñ
har masarrat meñ hai rāz-e-ġham-o-hasrat pinhāñ

kyā sunogī mirī majrūh javānī kī pukār
merī fariyād-e-jigar-doz mirā nāla-e-zār
shiddat-e-karb meñ Duubī huī merī guftār
maiñ ki ḳhud apne mazāq-e-tarab-āgīñ kā shikār

vo gudāz-e-dil-e-marhūm kahāñ se lā.ūñ
ab maiñ vo jazba-e-māsūm kahāñ se lā.ūñ

mere saa.e se Daro tum mirī qurbat se Daro
apnī jur.at kī qasam ab merī jur.at se Daro
tum latāfat ho agar merī latāfat se Daro
mere vādoñ se Daro merī mohabbat se Daro

ab maiñ altāf o ināyat kā sazā-vār nahīñ
maiñ vafādār nahīñ haañ maiñ vafādār nahīñ

ab mire paas tum aa.ī ho to kyā aa.ī ho

#UrduPoetry #Urdu #Shayari