ماما | San Stefano Mall 27.6.2025

أمي الحبيبة
إحنا بنهديلك الأغنية دي
و بنهديها لكل الأمهات
اللي معانا واللي غابوا عنا
و جايين نقولوكوا
إن إحنا قد إيه مقدرين و محترمين
كل لحظة تعبتوا فيها

ماما أوقات كتير
ماما بسرح فى التفكير
ماما أثرتي فى حياتي
ماما فيا أنا و إخواتي

ليه ساعات كتير مبنفتكرش
اللي في حياتنا مقصرتش
تعبت كتير علشانا مندمتش
عن عمر راح متكلمتش
بنقول كتير نفس الكلام
لكن الحقيقة مش بس كلام
ليكي التقدير و الإحترام
و فى كل وقت و فى أي مكان
و مهما بعدنا عنك
دايماً جنبك مش ناسيين
لما حضنِك كان بيدافينا
بعد ما تحمينا و إحنا صغيرين

كانت زمان تقعد تحكيلك
قبل ما تنام قاعده تغنيلك
رافعة إيدها سهرانة تدعيلك
مهما بعدت عمرها ماتسيبك
تغسل هدومك و بتكويلك
و في الكورة تشجع فريقك
علي طول تدعي ينور طريقك
و خير كتير علي طول يجيلك

ماما أوقات كتير
ماما بسرح فى التفكير
ماما أثرتي فى حياتي
ماما فيا أنا و إخواتي
ماما كنا صغيرين
ماما بقيمتك مش حاسين
ماما كنا غلطانين
ماما دلوقتي مقدرين

خلاص يا ماما دلوقتي كبرت
فات وقت كتير دلوقتي عرفت
لما زمان قولتيلي حاجات
مفهمتهاش دلوقتي فهمت
نفسي يا ماما تجيلي الفرصة
نفسي أعبرلك لو لحظة
أو حتي أقولك إني بحبك
حتي لو قولتيلي أنا عارفة

ماما أوقات كتير
ماما بسرح فى التفكير
ماما أثرتي ف حياتي
ماما فيا أنا و أخواتي
ماما كنا صغيرين
ماما بقيمتك مش حاسين
ماما كنا غلطانين
ماما دلوقتي مقدرين

ماما
ماما
ماما
ماما
ماما
ماما
ماما
ماما
Lyrics: Wael Nasr & Jermeen Nasr

Digital Stores :
Spotify: https://open.spotify.com/artist/0F0Ai...
Deezer: https://deezer.page.link/N6dLtYpdScj6...
Anghami: https://open.anghami.com/4L7yCs9K3Gb

Follow Wael Nasr on Social media:
Facebook:   / waelnasrofficial  
Instagram:   / waelnasrofficial  
Tiktok:   / waelnasrofficial