Oltinsoy Ekrazidagi ulkan o‘zgarishlar – Rais va xalq birlashsa | QISHLOQ QAHRAMONLARI 2-son | DTV

Oltinsoy tumanining Ekraz mahallasi bugun butunlay yangilanayotgan, mehnatkash insonlar yashaydigan maskanga aylandi.
Biz “Qishloq qahramonlari” jamoasi ushbu mahallaga tashrif buyurib, qisqa vaqt ichida amalga oshirilgan ulkan o‘zgarishlarning guvohi bo‘ldik.

Mahalla raisi Baxtiyor aka saylanganiga ko‘p bo‘lmasdan, qabristondan tortib ichki yo‘llargacha bir qator bunyodkorlik ishlarini boshlab berdi.
Aholi hashar yo‘li bilan qabriston devorlari tiklandi, Open Budget orqali ko‘chalarga asfalt yotqizish loyihasi yutildi, 5 km ariqlar beton latok bilan mustahkamlandi.

Bu yerda fidoyi tadbirkorlar ham ko‘p.
Alimardon To‘rayev tomonidan qurilgan zamonaviy stadion bugun yoshlarning sevimli maskaniga aylangan. U 25 gektar maydonda qishloq xo‘jaligi bilan shug‘ullanib, yuzdan ortiq fuqaroni ish bilan ta’minlagan.
Shuningdek, Azam Rajabovning gulchilikdagi mehnati tufayli Ekrazning ko‘plab hovlilari go‘zal manzaraga kirgan.

Biz rais, oqsoqollar va tadbirkorlar bilan suhbatlashdik.
Mahallada hali qilinadigan ishlar ko‘p, ammo eng muhimi — hamjihatlik, mehnatsevarlik va kelajak uchun qat’iy maqsadlar mavjud.

Ekraz — qishloqning haqiqiy qahramonlari yashaydigan maskan.

📌 Kanalga obuna bo‘ling va yangi sonlarni kutib oling!