VO CENTAR Britanska operacija za osvojuvanje na Makedonija!

Во Центар со Васко Ефтов: Британска операција за освојување на Македонија!

Со години наназад во македонската јавност се поставуваше дилемата зошто не го ослободивме Солун во Втората Светска Војна. Многу легенди и приказни беа раскажани за таа дилема зошто се одеше на Срем а не на Солун. Во вечерашната емисија ќе одговориме на тоа и на многу други прашања и ќе има многу ексклузивни информации

Јоже Пирјавец е еден од водечките експерти за геополитика и историја во Словенија. Живее во Трст. Пред неколку години ја напиша книгата Тито и другарите која се уште е најпродавана книга во Словенија. Тој е првиот историчар и научник од просторите на поранешна СФРЈ кој ги има проучувано архивите на ЦИА, МИ6 и на Коминтерната. На располагање му беа ставени и архивите на големиот масон Владимир Дедиер.

За нас во Македонија се многу интересни негови проучувања на британските архиви. Таму Пирјавец го има пронајдено тајниот британски план: Beehive или во некој слободен превод кошничка за пчели. Во тој план е разработена целата британска стратегија преку Солун да биде окупирана Македонија и по Вардарско-моравската долина американските и британските трупи да стигнат до Белград. За прв пат тие работи ќе бидат презентирани пред македонската јавност во интервјуто со Јоже Пирјавец.

На крајот Тито не го доби ни Солун ниту Трст иако беше планирано Трст да ја има улогата на Хонг Конг или на Сингапур. Но тоа што е интересно е дека сите оние подрачја кои беа важни пред 70 години се и денес клучни точки на новата геополитика на Балканот каде сега освен Русија, САД, Велика Британија влегува и Кина.