ကမ္ဘာကျော် အာနာပါန ကမ္မဋ္ဌာန်း ကျင့်စဥ်။ သမထဝိပဿနာပညာရှင် ဘဒ္ဒန္တဇာနေယျာစာရ

ပညတ် ပရမတ်ဆိုတာ နားမလည်ပဲနဲ့
ပေါ်ရာကို လျှောက်ရှုတာကို ဝိပဿနာလို့ ခေါ်နေတဲ့ပုဂ္ဂိုလ်တွေက ဒီ စျာန်သမာဓိတွေကို ကဲ့ရဲ့ နေကြတယ်။

ဒီ ဈာန်သမာဓိ စွမ်းအင်တွေကို ကျကျနန မသိပဲနဲ့ ၊
ဝိပဿနာမှာလာတဲ့ ခဏိကသမာဓိဆိုတာကို
စာပေကျမ်းဂန်နဲ့ အညီ ကျကျနန မသိတဲ့ ပုဂ္ဂိုလ်တွေက ဝေဖန်နေကြတယ် ။

နားမလည်တဲ့လူတွေ ပြောတဲ့စကားကို
မသိတဲ့လူတွေက ယုံနေကြတယ် .....

ကမ္ဘာ့ပညာရှင်
ဖားအောက်တောရ ဆရာတော် ဘုရားကြီး
{ ၂ဝ၁ဝ ဖားအောက်တောရ ၆ လ တရားစခန်း အမေးအဖြေကဏ္ဍမှ }
Credit...... U Myomyat Thu
=================

အစဥ်အတိုင်း ကျင့်မှ နိဗ္ဗာန်ရမည်

ပတ္ထနံ ဥပနိဿာယ ဒါနံ ဒေတိ၊
သီလံ သမာဒိယတိ၊
ဥပေါသထကမ္မံ ကရောတိ၊
ဈာနံ ဥပ္ပါဒေတိ၊
ဝိပဿနံ ဥပ္ပါဒေတိ၊
မဂ္ဂံ ဥပ္ပါဒေတိ၊
အဘိညံ ဥပ်ပါဒတေိ၊
သမာပတ္တိံ ဥပ္ပါဒေတိ။ (ပဋ္ဌာန်း ပါဠိတော်)

ပတ္ထနံ=နိဗ္ဗာန်လိုချင်ခြင်းကို။
ဥပနိဿာယ=အကြောင်းပြု၍။

ဒါနံ=ဒါနကုသိုလ်ကို။ ဒေတိ=ပေးလှူ၏။

သီလံ=သီလကို။ သမာဒိယတိ=ကောင်းစွာစောင့်ထိမ်း၏။

ဥပေါသထကမ္မံ=စိတ်စင်ကြယ်ကြောင်းဖြစ်သော(နီ၀ရဏစင်ကြယ်ကြောင်းဖြစ်သော)သမထဘာ၀နာကံကို။
ကရောတိ=ပွားများအားထုတ်၏။

ဈာနံ=ရူပဈာန် အရူပဈာန်ကို။ ဥပ္ပါဒေတိ=ဖြစ်စေ၏။

ဝိပဿနံ=ဝိပဿနာဉာဏ်ကို။ ဥပ္ပါဒေတိ= ဖြစ်စေ၏။

မဂ္ဂံ=မဂ်ဉာဏ် ဖိုလ်ဉာဏ်ကို။ ဥပ္ပါဒေတိ=ဖြစ်စေ၏။

အဘိညံ=အဘိညာဥ်ကို၊ ဥပ္ပါဒေတိ=ဖြစ်စေ၏။

သမာပတ္တိံ=သမာပတ်ကို။ ဥပ္ပါဒေတိ=ဖြစ်စေ၏။

အရှင်အဂ္ဂိန္ဒ (မအူပင်)(24 - 8 - 2023)
==================

ဈာန်တရားကွယ်ရင် သာသနာကွယ်မယ်။

ပဉ္စိမေ ဩက္ကမနိယာ ဓမ္မာ သဒ္ဓမ္မဿ သမ္မောသာယ အန္တရဓာနာယ သံဝတ္တန္တိ

ဩက္ကမနိယာ၊ အောက်သို့ သက်ဆင်းစေတတ်သော။ ဣမေ ပဉ္စ ဓမ္မာ၊ ဤငါးမျိုးသောတရားတို့သည်။ သဒ္ဓမ္မဿ၊ ပရိယတ်, ပဋိပတ်, ပဋိဝေဓတည်းဟူသော - သဒ္ဓမ္မသုံးဖြာ သာသနာတော်သုံးရပ်၏။ သမ္မောသာယ၊ မော့လျော့ပျက်စီးခြင်းငှါ။ အန္တရဓာနာယ၊ ပျောက်ကွယ်ဆုံးရှုံးခြင်းငှါ။ သံဝတ္တန္တိ၊ ဖြစ်ကုန်၏။

(ငါးမျိုးပြတယ် အဲ့ထဲက စတုတ္ထတစ်မျိုးက)

ဘိက္ခူ ဘိက္ခုနိယော ဥပါသကာ ဥပါသိကာယော သမာဓိသ္မိံ အဂါရဝါ ဝိဟရန္တိ အပ္ပတိဿာ

ဘိက္ခူ၊ ရဟန်းတို့သည်လည်းကောင်း။ ဘိက္ခုနိယော၊ ရဟန်းမတို့သည်လည်းကောင်း။ ဥပါသကာ၊ ကိုးကွယ်သူအမျိုးကောင်းသားတို့သည်လည်းကောင်း။ ဥပါသိကာယော၊ ကိုးကွယ်သူအမျိုးကောင်းသမီးတို့သည်လည်းကောင်း။ သမာဓိသ္မိံ၊ သမာပတ်ရှစ်ပါး ဈာန်တရား၌။ အဂါရဝါ၊ ရိုသေခြင်းမရှိကြကုန်သည်ဖြစ်၍။ အပ္ပတိဿာ၊ နှိမ်ချတုပ်ဝပ်ခြင်းမရှိကြကုန်သည်ဖြစ်၍။ ဝိဟရန္တိ၊ နေကြကုန်၏။

အဋ္ဌကထာ -

အဋ္ဌ သမာပတ္တိယော အနိဗ္ဗတ္တေန္တော တာသံ ဝါ ပန နိဗ္ဗတ္တနတ္ထာယ ပယောဂံ အကရောန္တော သမာဓိသ္မိံ အဂါရဝေါ နာမ

အဋ္ဌ၊ ရှစ်ပါးကုန်သော။ သမာပတ္တိယော၊ ဈာန်သမာပတ်တရားတို့ကို။ အနိဗ္ဗတ္တေန္တော၊ မဖြစ်စေခြင်းသည်သော်လည်းကောင်း။ ဝါ ပန၊ သို့မဟုတ်။ တာသံ၊ ထိုသမာပတ်ရှစ်ပါး ဈာန်တရားတို့ကို။ နိဗ္ဗတ္တနတ္ထာယ၊ ဖြစ်စေခြင်းငှါ။ ပယောဂံ၊ အားထုတ်ခြင်း လုံ့လကို။ အကရောန္တော၊ မပြုသည်သော်လည်းကောင်း။ သမာဓိသ္မိံ၊ သမာဓိတရား၌။ အဂါရဝေါနာမ၊ ရိုသေခြင်းကင်းသည်မည်၏။

သမာပတ်ရှစ်ပါး ဈာန်တရားတွေ မဖြစ်ပွါးတော့ရင် သို့မဟုတ် ဈာန်ရအောင် လုံ့လကြိုးကုတ် အားမထုတ်တော့ရင် သမာဓိကို မရိုသေခြင်းကြောင့် သာသနာကွယ်လိမ့်မယ်။

ဈာန်တရားကို ကဲ့ရဲ့ နှိမ်ချနေရင်တော့ ဘုရားတရားကို စော်ကားရာပါ ရောက်လိမ့်မယ်။

Credit..... VenProf Doctor Meiktila Khemissara
==============

တော်တော်ခက်တဲ့ ဝိပဿနာ
စတုတ္ထဈာန်၏ အလင်းရောင် မရရင် ဝိပဿနာ ရှုကို ရှုလို့မရဘူး။

စတုတ္ထဈာန်၏ အလင်းရောင် မရရှိပဲ ဝိပဿနာ ရှုလို့ ရတယ်လို့ သင်ပေးနေတဲ့ ကမ္မဋ္ဌာန်းဆရာတို့သည်
အဝီစိငရဲသို့ တွန်းပို့နေကြတာပါ။
( ပညာ နတ္ထိ အဈာတော၊ ဓမ္မပဒ၊ ၃၇၂)

မေတ္တာဖြင့် - ဓမ္မဒါန - အရှင်အဂ္ဂိန္ဒ (မအူပင်)
(၃၀.....၃.....၂၀၂၃)
===============

န ဟိ ပညာရဟိတာ သမာပတ်တိ ၊
သမာဓိရဟိတာ စ ဝိပဿနာ အတ်ထိ ။

ပညာ(ဝိပဿနာပညာ၊မဂ်ပညာ)ကင်းသော (ဈာန်)သမာပတ်သည်မရှိ။
ထို့အတူ သမာဓိ(ဈာန်)ကင်းသော ဝိပဿနာလည်း မရှိချေ ။

ဥပရိပဏ္ဏာသဋီကာ..၄၃၅ ။

Credit....... ရဟန်း ကျော်
🙏🙏🙏
==============

ရူပဈာန် လေးပါး၊ အရူပဈာန် လေးပါး တို့သည်
တရားအားထုတ်ရန် ရှေးဦးကျင့်စဥ်တို့ ဖြစ်ကြသည်။

(အဘိဓမ္မ ပိဋက ဈာနဝိဘင်္ဂပါဠိတော်)

ဓမ္မဒါန - အရှင်အဂ္ဂိန္ဒ (မအူပင်)
၁၃၈၅ - ခုနှစ်၊ ဒု - ဝါဆို လဆန်း ၁၃ ရက် ၊ တနဂ်နွေနေ့ ​ ။ (30 JULY 2023)
================

မြတ်ဗုဒ္ဓက ရူပဈာန် လေးပါး၊ အရူပဈာန် လေးပါးတို့ကို ဘာ့ကြောင့်အရှေ့ဆုံး ရရှိအောင် အားထုတ်ခိုင်းတာလဲ? ။
===============

🌷အနုပဝါဒေါ အနူပဃာတော၊ ပါတိမောက္ခေ စ သံဝရော။
မတ်တညုတာ စ ဘတ်တသ်မိံ၊ ပန်တဉ်စ သယနာသနံ။
အဓိစိတ္တေ စ အာယောဂေါ၊ ဧတံ ဗုဒ္ဓါန သာသနံ။

🌷သူတစ်ပါးကို မကဲ့ရဲ့မစွပ်စွဲရာ မညှဉ်းဆဲရာ၊ ပါတိမောက္ခသံဝရသီလကို စောင့်ရှောက်ရာ၏။ စားဖွယ်၌ အတိုင်းအရှည်ကို သိရာ၏၊ ဆိတ်ငြိမ်သောကျောင်း အိပ်ရာနေရာသို့ ကပ်ရောက်နေထိုင်ရာ၏၊ သမာပတ်ရှစ်ပါးဟူသော အဓိစိတ္တသိက္ခာကို ပွားများအားထုတ်ရာ၏၊ ဤသည်ကား ဘုရားရှင်တို့၏ အဆုံးအမတော်ပေတည်း။

Credit....... Mahar Channal
=====================

🙏🙏🙏 ပိဋကတ်အနှစ်ချုပ် ဂါထာတော် 🙏🙏🙏

နတ်ထိ ဈာနံ အပညဿ၊
ပညာ နတ္ထိ အဈာယတော။
ယမှိ ဈာနဉ္စ ပညာစ၊
သ ဝေ နိဗ္ဗာနသန္တိကေ။ (ဓမ္မပဒ၊ ဂါထာ၊ ၃၇၂)

အပညဿ=ဝိပဿနာပညာ မဂ်ပညာ မရရှိသော ​​ယောဂီအား။
ဈာနံ=သမာပတ်ဈာန်သည်။
နတ္ထိ=မရှိ။
အဈာယတော=သမာပတ်ဈာန် မရရှိသော ယောဂီအား။
ပညာ=ဝိပဿနာပညာ မဂ်ပညာသည်။
နတ္ထိ=မရှိ။
ယမှိ=အကြင်​ ယောဂီ၌။
ဈာနဉ္စ=သမာပတ်ဈာန်ကို၎င်း။
ပညာစ=ဝိဿနာပညာ မဂ်ပညာကို၎င်း။
အတ္ထိ=ရရှိအောင်ကြိုးစားပွားများအားထုတ်၏။
သ သော=ထို ယောဂီသည်။(သမာပတ်ဈာန် ဝိပဿနာပညာ မဂ်ပညာတို့ကို
ရရှိအောင် ကြိုးစား ပွားများ အားထုတ်သော ထို ယောဂီသည်)။
ဝေ=စင်စစ် ဧကန် အမှန် မုချ။
နိဗ္ဗာနသန္တိကေ=နိဗ္ဗာန်နှင့် နီး၏။ (ဓမ္မပဒ၊၃၇၂)

ဈာန်ကိုပယ်ရင် နိဗ္ဗာန်နှင့် ဝေးပြီး
စင်စစ်ဧကန်အမှန်မုချ အဝီစိငရဲနှင့် နီး၏။
===========
ဤဓမ္မဒါန ကုသိုလ်ထူးကြောင့်
အဓမ္မကွယ်ပြီး
မြန်မာနိုင်ငံကြီး
ကပ်ကြီးသုံးပါး ဘေးမှ
အမြန်ဆုံး လွတ်မြောက်ပါစေ။
မေတ္တာများစွာဖြင့်
ကောက်ရိုးတစ်လှည်း မီးတစ်ခဲ - အရှင်အဂ္ဂိန္ဒ (မအူပင်)
၁၃၈၅ - ခုနှစ်၊ ဝါခေါင် လဆုတ် ၈ ရက် ၊ သောကြာနေ့ ​ ။ (8 - 9 - 2023)