თვითმმართველობის არჩევნები - ოპოზიციის გეგმა

მოახლოებული თვითმმართველობის არჩევნები ოპოზიციურ ფლანგზე უთანხმოების ერთ-ერთი მთავარ თემა ხდება.
ბარიერ გადალახულ ძალებს შორის აზრთა სხვადასხვაობაა. ერთიან პოზიციაზე ვერ შეჯერებას ის განცხადებებიც ადასტურებს, რომლებიც ცალკეული აქტორების მხრიდან ბოლო პერიოდში კეთდება. ფაქტია, რომ ყოფილი პრემიერის, გიორგი გახარიას გუნდი საარჩევნო მარათონში ჩართვის ალბათობას უშვებს და არჩევნებისთვის მზადებასაც არ უარყოფს. ცალსახა პოზიციის დაფიქსირებისგან კვლავ თავს იკავებს მამუკა ხაზარაძის პოლიტიკური გაერთიანება, რაც დანარჩენი ოპოზიციის საკმაოდ დიდ უკმაყოფილებას იწვევს. ცესკო-სადმი უნდობლობა ერთ-ერთი მთავარი არგუმენტია ხელისუფლების ოპონენტებისთვის, რომლებიც ბოლო საპარლამენტო არჩევნებს გაყალბებულად მიიჩნევენ და ხელახალ არჩევნებს ითხოვენ. ოპოზიციის პოზიცია სრულად გაზიარებულია ევროსაბჭოს საპარლამენტო ასამბლეის ბოლო რეზოლუციაშიც. სწორედ ამ რეზოლუციის მკაცრი შეფასებების და მძიმე ფორმულირებების გამო ცენტრალურმა საარჩევნო კომისიამ „პასეს“ დღეს საპასუხო წერილით მიმართა.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.