Янги марузалар туплами. Нуриддин хожи Холикназар домла. # Soliha kanal #

🌙 МУФТИЙ ҲАЗРАТЛАРИ: "КИМ ЎЗ АЙБИ БИЛАН МАШҒУЛ БЎЛСА, ҒИЙБАТДАН САҚЛАНАДИ”

🗣 Бугун, 14 ноябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари жума намозини Тошкент шаҳри Олмазор туманидаги "Ҳазрати Имом" жоме масжидида адо этдилар.

🌙 Муфтий ҳазратлари жума намозидан олдин жамоатга “Ғийбатдан сақланайлик” деган мавзуда маъруза қилиб бердилар.

Дарҳақиқат, маърузада айтилганидек, динимиз ўзаро муомалада ростгўй бўлиш, ваъдага вафо қилиш, омонатга хиёнат қилмаслик, одамларнинг обрўсига тажовуз қилмасликка буюради. Ғийбат эса, суҳбат мажлисида ўзи йўқ кишини у ёмон кўрадиган айб ва сифатлар билан зикр қилишдир. Борди-ю, айтилган айб ва сифатлар унда топилса, ғийбат, топилмаса, туҳмат ҳам бўлади.

📕 Қуръони каримда бундай дейилади: “(Кишилар ортидан) ғийбат қилувчи, (олдида) масхара қилувчи ҳар бир кимсанинг ҳолига вой!” (Ҳумаза сураси, 1-оят).

– Ғийбат – бу фақат гуноҳ эмас, балки жамиятнинг парокандаликка юз тутишига сабаб бўладиган иллатдир, – дедилар Муфтий ҳазратлари. – Агар жамиятда ғийбат кўпайса, у ерда ишонч, бирдамлик ва муҳаббат сўниб боради. Инсонлар бир-бирини орқасидан гапирса, қалблар орасида шубҳа ва нафрат уруғи экилади.

Кўп ўринларда ғийбатга ҳасад сабаб бўлади. Ваҳоланки, динимиз бизни ҳасад билан эмас, ҳавас билан яшашга буюради. Бас, ундан сақланиш учун киши ўз айби билан машғул бўлсин. Фурсат борида охиратга захира тўпласин. Бировнинг айбини кўрса, Аллоҳдан унинг ҳақига хайрли дуо қилсин. Насиҳатни тинглашига кўзи етса, ўзига чиройли насиҳат қилсин.

🤲 Маъруза сўнгида Муфтий ҳазратлари Аллоҳ таоло барчамизни ғийбат ва ҳасад балоларидан асраб, Ўзи суйган бандаларидан қилишини сўраб дуо қилдилар.

✅ Ўзбекистон мусулмонлари идораси
Матбуот хизмати

🟢 MUSLIM.UZ GA