საპატრიარქო ტახტის მოსაყდრის,სენაკისა და ჩხოროწყუს მიტროპოლიტი შიოს სადღესასწაულო ქადაგება.

ხსენება წმინდისა დიდმოწამისა,
საქართველოს მნათობისა,კახეთის დედოფლისა ქეთევანისა.

⚜️ „ჩვენი ეკლესია დიდმოწამე ქეთევანს „საქართველოს მნათობს“ უწოდებს. იგი, მართლაც, მნათობივით გამობრწყინდა ჩვენი ერის ისტორიის ერთ-ერთ ყველაზე რთულ პერიოდში… წმინდა ქეთევანის მოწამებრივი ღვაწლი არ იყო მხოლოდ მისი პიროვნული გმირობა, მან მთელი საქართველო გადაარჩინა იმჟამად გამაჰმადიანებისგან, მთელ ხალხს შთაჰბერა და შეუნარჩუნა სულიერი სიმტკიცე. ამიტომ მისი მოწამეობა, ის დღე, რომელსაც აღვნიშნავთ, არ არის მხოლოდ ისტორიული მოვლენა, არამედ ეს არის დიდი მაგალითი და მოწოდება მომავალი თაობებისთვის... რომ მივბაძოთ მის სიმტკიცეს, მის სიმამაცეს, მის ქრისტესადმი სიყვარულსა და ერთგულებას...“

⛪საპატრიარქო ტახტის მოსაყდრის, სენაკისა და ჩხოროწყუს მიტროპოლიტ შიოს (მუჯირი) ქადაგება წმინდა დიდმოწამე ქეთევან დედოფლის ხსენების დღეს

ალავერდის საკათედრო ტაძარში სადღესასწაულო ლიტურგია, კათოლიკოს პატრიარქის ტახტის მოსაყდრემ, სენაკისა და ჩხოროწყუს მიტროპოლიტმა შიომ, ჭიათურისა და საჩხერის მიტროპოლიტ დანიელთან,ნიქოზისა და ცხინვალის მიტროპოლიტ ისაიასთან, მანგლისისა და თეთრიწყაროს მიტროპოლიტ ანანიასთან, აბბა ალავერდელ მიტროპოლიტ დავითთან, ქუთათელ-გაენათელ მიტროპოლიტ იოანესთან, ახალქალაქისა და კუმუროს და კარის მიტროპოლიტ ნიკოლოზთან,მიტროპოლიტ სერაფიმესთან, სტეფანწმინდისა და ხევის მთავარეპისკოპოს იუგუდიელთან,მარგვეთისა და უბისის ეპისკოპოს მელქისედეკთან და წალკელ ეპისკოპოს გრიგოლთან ერთად აღასრულა.

სადღესასწაულო ღვთისმსახურებაში მონაწილეობდა საქართველოს სხვადასხვა კუთხის სამღვდელოება.
წირვას მრავალრიცხოვანი მრევლი ესწრებოდა.

გილოცავთ ღირსშესანიშნავ დღესასწაულს!

ალავერდის წმინდა გიორგის სახელობის საკათედრო ტაძარი.

26 სექტემბერი, 2025 წელი.