Гуканне вясны з гуртам "Княжыч"

Традыцыйны беларускі абрад «Гуканне вясны» з'яўляецца адным з самых радасных і жыццесцвярджальных абрадаў сярод беларускіх народных святаў. Абрад праходзіць пад канец сакавіка, калі канчаецца халодная і доўгая зіма, а на змену ёй прыходзіць вясна, якая нясе людзям цяпло і святло.

У гэты час маладыя дзяўчаты і жанчыны выходзяць на самы высокі ўзгорак вёскі і спяваюць радасныя загукальныя песні, каб развітацца з зімой і паскорыць надыход вясны.

Гурт архаічных спеваў "Княжыч" штогод праводзіць гэты абрад і ў гэтым відэа разам са студыяй візуальнай творчасці "Нэкст" паказалі, як ён праходзіць. Прыемнага прагляду!